Myanda Miyampe Mwendele Yesu
Wifunde myanda mivule itala Yesu Kidishitu Mwanā Leza kadi Mupandiji wa muzo wa muntu mu ano mavideo malumbuluke’po kashā.
Myanda Miyampe Mwendele Yesu—Myanda Mikatampe ya mu Mavideo
Tala mulombwelwa myanda ya mu Maevanjile mu ano mavideo esambila padi Yesu Kidishitu.
Video 1: Kitōkeji kya Bine kya Ino Ntanda
Le bantu bakakūlwa namani ku bubi bwēbasambulwidile Adama? Meshiasa ye lukulupilo lumo kete ku muzo wa muntu.
Video 2: “Uno’u I Wami Mwana”
Yoano Mubatyiji uteakenya Meshiasa dishinda. Tala binkumenkume bya kutendelwa bilombola mwāshilwidile mwingilo wa Yesu pano pa ntanda!
Video 3: “Ami Ye Aye”
Yesu weyukanya bu Meshiasa kudi Nikodema, kudi mwana-mukaji mwine Samadia, ne ku bantu ba mu kibundi kya Nazala, inoko i enka bantu batyetye kete ba mityima miyampe bamwitabija. Pa kupwa kulonga kingelengele kyāshintyile būmi bwa bantu, waite babiluwe ba mwita betyepeje bamulonde.
Video 4: “Kino E Kyonaidile”
Yesu walombola amba udi na bukomo bwa kubelula babela ne kupanga bandemona. Inoko bamo kebasangedilepo mwingilo wandi kadi abakute nkuku ya kumwipaya. Kupityila ku bilongwa bya kanye kakatampe ne bufundiji bwa lupusa, Yesu walonga bana ba bwanga ne kutonga batumibwa 12.
Video 5: “Baana Mufundijijo Wandi”
Yesu pa kupwa kubelula kibumbo kikatampe, washilula kwibafundija mu muswelo kewebafundije kashā mufundiji wabo nansha umo. Lupusa lwandi, byelekejo byandi, ne muswelo wa kwingidija myanda mu būmi bwa difuku ne difuku, bibebatulumuja.
Video 6: “Lelo Abe Ye Aye wa Kwiya’ni?”
Yesu walombola amba udi na bukomo bwa kusangula bafwe. Bingelengele byaalonga ne bufundiji bwandi butenga mutyima bibasokwela patōka kukanina kwa mutyima kwa boba bamuteja. Kupityila ku byelekejo, Yesu washintulula myanda itala Bulopwe.
Myanda Miyampe Mwendele Yesu—Ntompejo ya Mavideo
Tala ntompejo ya ano mavideo asangaja, mene alombola myanda ya mu Maevanjile.
