Rũgano Rwĩgiĩ Ũtungata wa Jesu

Wĩrute ũhoro makĩria wĩgiĩ Jesu Kristo, Mũrũ wa Ngai na Mũhonokia wa andũ, thĩinĩ wa kĩrũmanĩrĩrio gĩkĩ kĩa video cia gũcanjamũra.

Video ya 1: Ũtheri wa Ma wa Thĩ

Hihi andũ magaakũũrũo atĩa kuuma harĩ mehia marĩa maarehirũo nĩ Adamu? Mesia nowe mwĩhoko wa andũ wa kũmahonokia.

Video ya 2: “Ũyũ nĩ Mũrũ Wakwa”

Johana Mũbatithania akahaarĩria njĩra nĩ ũndũ wa Mesia. Rora wone maũndũ ma kũgegania marĩa marekĩka kĩambĩrĩria-inĩ kĩa ũtungata wa Jesu gũkũ thĩ!

Video ya 3: “Nĩ Niĩ We”

Jesu akaguũria itemi rĩake arĩ Mesia kũrĩ Nikodemo, mũtumia Mũsamaria, na andũ a Nazarethi, ĩndĩ no andũ anini a ngoro njega maramwĩtĩkĩra. Thutha wa kũringa kĩama kĩa magegania mũno, akanyita ũgeni ategi a thamaki matuĩke arũmĩrĩri ake.

Video ya 4: “Nĩkĩo Gĩatũmire Njũke”

Jesu akonania hinya wake wa kũhonia andũ na kũingata ndaimono. No andũ amwe makamũkararia na makabanga njama ya kũmũũraga. Nĩ ũndũ wa gũkorũo na ũcayanĩri na ũhoti mũnene wa kũrutana, Jesu akagĩa na arutwo na akaamũra atũmwo arĩa 12.

Video ya 5: “Makĩgegio nĩ Njĩra Yake ya Kũrutana”

Thutha wa kũhonia andũ kĩrĩndĩ kĩnene, Jesu akambĩrĩria kũmaruta na njĩra gũtarĩ mũrutani ũngĩ ũrĩ weka ũguo. Nĩ maagegirio nĩ wathani wake harĩ kũrutana, kũhũthĩra ngerekano, na ũrĩa aamonagia ũrĩa mangĩhũthĩra maũndũ macio ũtũũro-inĩ wa o mũthenya.

Video ya 6: “Hihi Wee Nĩwe Ũrĩa Weranĩirũo?”

Jesu akonania hinya wake wa kũriũkia arĩa akuũ. Ciama iria araringa na ũhoti wake mũnene wa kũrutana ũgateithia harĩ kũguũria mĩoroto ya andũ arĩa maramũthikĩrĩria. Akĩhũthĩra ngerekano, Jesu agataarĩria maũndũ matiganĩte megiĩ Ũthamaki.