Nsangu ya Mbote: Disolo ya Kisalu ya Yesu
Na ba video yayi, longoka na kuzaba mingi na yina me tadila Yesu Kristo, mwana ya Nzambi Muvukisi ya bantu.
Nsangu ya Mbote: Disolo ya Kisalu ya Yesu—Mambu yina ke na film
Na bavideo ya kitoko yayi nge ke tala film ya luzingu ya Yesu, mutindu Biblia ke zonzilaka yawu.
Video 1: Nsemo ya tsyeleka ya yinza
Wa’ faso yinza lenda vuuka na disumu yina Adami nataka? Kaka ni Masiya ke kivuvu ya yinza.
Kitini 2: “Yayi ni Mwana ya munu”
Yoane Mubotiki bongisaka nzila samu na Masiya. Tala bamambu ya ngitukulu yina lakisaka kubanda ya kisalu ya Yesu awa na ntoto!
Kitini 3: “Muntu yango ni munu”
Yesu zonzilaka pwelele kisalu ya yandi mutindu Masiya na Nikodeme, na kento mosi ya mbanza ya Samariya, mpe na bantu ya mbanza ya Nazareti. Kasi kaka bantu fioti yina vandaka na ntima ya kulunga kwikilaka yandi. Na manima ya kusala kimangu mosi ya ngitukulu, yandi bokilaka bilobi-mbisi yina vandaka bantu ya kukuluka na kulanda yandi.
Kitini 4: “Samu ni na yawu mu kwizaka”
Yesu me lakisa ti yandi ke na ngolo ya kubelusa bantu mpe ya kubasisa bambazi ya yimbi. Kasi ba ya nkaka ke na teleminaka kisalu ya yandi mpe ba ke na salaka mfundu samu na kufwa yandi. Na ntima ya yandi ya kyadi mpe mayela ya yandi ya kulonga, Yesu me kumisa bantu bilandi ya yandi. Na kati ya bawu, yandi me soola bantumwa 12.
Kitini 5: “Bantu yitukaka samu na mutindu ya yandi ya kulonga”
Na manima ya kubelusa bantu mingi, Yesu ke na longaka bawu na mutindu yina nabunu ntete milongi ya bawu salaka yawu. Yandi ke na longaka mutindu muntu yina ke na lutumu, yandi ke na sadilaka bifwani ya kitoko mpe yandi ke na lakisaka na bantu mutindu ya kusadila malongi ya yandi. Nyonso yayi me sala ti bantu yituka.
Kitini 6: “Ni nge ke Muntu yina zola kwiza?”
Yesu ke na lakisaka ti yandi ke na ngolo ya kuvumbula bantu na lufwa. Bimangu ya yandi mpe mayela ya yandi ya kulonga ke salaka ti bantu basisa yina ba ke na yawu na ntima. Yandi ke na sadilaka bifwani samu na kusadisa bantu na kuzaba bamambu na yina me tadila Kimfumu.
Bunkufi ya film Nsangu ya Mbote: Disolo ya kisalu ya Yesu
Tala bunkufi ya film ya kitoko yayi; ya ke na bitini mingi mpe ya ke lakisaka mutindu luzingu mpe kisalu ya Yesu lutilaka.
