Engulu mbuya ya Yesu
Wighe bingyi oko Yesu Kristo, Mughala w’oMungu kandi Musabuli w’abandu bosi, omo syovideo esikwama-kwamene.
Ekihande 1: Ekyakakala ky’ekwenene ky’ekihugho
Abandu bakendisyasabulwa bati oko rilolo lya Adamu? Masiya musa yo bandu bayiketere erisyasabulabo.
Ekihande 2: “Oyu ni Mughala waghe”
Yohana mubatisya amateghekania eryasa rya Masiya. Ulebaye omwatsi owakaswekaya owakakanganaya ngoko Yesu amabitsuka omubiiri wiwe oko kihugho!
Ekihande 3: “Ono, n’iye”
Yesu amayiminyikalya ngoko n’iye Masiya oko Nikodemu, oko mukali Musamaria n’oko bandu be Nazareti, aliwe abandu bake b’emitima myolo basa bo bamamwikirirya. Enyuma sy’erikola ekitiko-tiko ekyamabindula engebe y’abandu, amasaba abasohi b’amahere abakayikehaya ati bamukwame.
Ekihande 4: “Omwatsi oyu w’aleka inasa”
Yesu amakangania obutoki bwiwe omwilamya abandu n’erihigha esyombinga. Aliwe abandu balebe isibalimwikiriraya nomo anabya akakola ebitiko-tiko n’erihigha esyombinga. Omwikolera abandu b’emyatsi eyikakanganaya kw’akabakwira obulighe n’erikangirirya omo nzira eyikaswekaya, Yesu amayira abigha n’erisombola abakwenda 12.
Ekihande 5: “Mubaswekera enzira yiwe y’erikangirirya”
Enyuma sy’erilamya abandu bangyi, Yesu mwatsuka erikangirirya abandu omo nzira eyikaswekaya kutsibu. Sibabo oyo wabya iniabirikangirirya atya. Erikangirirya ng’omundu oyuli n’ehamuli, eby’erileberyako, n’erikangania ngoko abandu bangakolesya emyatsi omo ngebe y’obuli kiro, mukyaswekya abandu bo kutsibu.
Ekihande 6: “Nina we oyukasa?”
Yesu mwakangania obutoki bwiwe omwilubukya abaholi. Ebitiko-tiko n’amakangirirya wiwe mabuyanga bikabisula ebiri omo mitima y’abakamuhulukirira. Omwikolesya eby’erileberyako, Yesu akafasiriya ndeke emyatsi eyilebirye Obwami.
