Nlang y’éning Yésu
Nsama bingengeng wi, wa ye wô vole a tugha yem Yésu Krist, é Moan Nzame ya Nkôrô bôt.
Étun 1 : Ña éyèè ye éning
Aval avé boan be-bôt be ne tobe nkôran ébe nsem Adam a nga so wô ? Messie étam éñe a ne be vole.
Étun 2 : « É moan wom éñe ñi »
Jean Ndu-bôt a kôman é zen Messie. Yenghan é bura be mam me nga boban éyong Yésu a nga sum ésèñ minkanghle dèñ a si va !
Étun 3 : « Me ne ñe »
Yésu a nga dzô de Nicodemo, bôt be ya Nazaret ya fe minenga ya Samaria. Ve faave avitsang bôt be bele mbemba min’nem ébe ba bunu ñe. Niane a nga bo mura akengha, ane Yésu a bane be yop koas be ne asili ñuu naa be bo beyeghe béñ.
Étun 4 : « Ésèñ té éde me so naa ma zu bo »
Yésu a lere é ngu’u dzéñ, éyong a sèñ minkukuan ya tsirane mbia minsisim. Ve dzam té da tobe minzizing miéñ abé, éde ba kumu ñe wiñ. Yé mbemba mefulu mèñ ane a bira lere n’nem éngongoo ya bira yem yeghle, Yésu a nga bele beyeghe ye top été 12 naa be bo mintôô.
Étun 5 : « Be nga bira yaghan aval a nga yeghle bo »
Éyong Yésu a nga mane ler bôr be mbe béé koan, ane a nga tare naa a yeghle bo aval môr nfe éé mbe ki de bo melu mvus. Ane môt a bele Édjié, a nga belane bifônan y’éning ye ve meyeghle me nga bira name bôt min’nem
Étun 6 : « Ye wa ô ne é môr a yiane zu ? »
Yésu a lere fe ya mekengha a nga bo naa a bele ngu’u ya wôme bewu. Mekengha, bifôman ya meyeghle méñ me nga lere aval bôr be mbe min’nem ôsi. Ya naa a nga yeghle mam ma daghe Édjié Nzame abuiñ meval.
