Labaari gea ye Yesu u kpara
A yɛ̃ru sosio Yesu Kirisi, Gusunɔn bii ka handunian faaba kowo sɔɔ, filimu bɔnu dabinu bura yeni sɔɔ.
Bɔnu 1: handunian yam bururam gem
Amɔsunwa handunia ya ka yakiara saa tora te Adamu ka nan di? Mɛsi tɔnawa sãa handunian yĩiyɔbu.
Bɔnu 2: “Winiwa nɛn Bii”
Yohanu batɛmu kowo u Mɛsin naru sɔɔru kua. A mɛɛrio gãa maamaakigii ni nu koora Yesun waasun sɔmburun tore temɔ!
Bɔnu 3: “Nɛna mi”
Yesu u Nikodɛmu, ka kurɔ Samarigii wi, ka sere maa Nasarɛtigibu sɔ̃ɔsi sɔmbu te u koo ra na u ko yen sɔ̃ u sãa Mɛsi, adama tɔn gɔ̃ru tiagibu fiiko tɔnawa ba win gari wura. Ye u sɔm maamaakigiru garu kua te ta tɔmbun wãaru kɔsan biru u susure kowo tii kawobu kana bu nùn swĩi.
Bɔnu 4: “Yenin sɔ̃na na na”
Yesu u win dam loo kua u ka barɔbu bɛkia ma u wɛrɛkunu gira. Adama gaba win sɔmburu seesi ma ba swɛɛ kasu bu ka nun go. Ka kookoo geesu, ka wɔnwɔn bakaru ka sere sɔ̃ɔsi geenu, Yesu u bwãabu kua ma u gɔrobu 12 gɔsa.
Bɔnu 5: “Tɔn wɔru ge, ga biti kua win sɔ̃ɔsibun sɔ̃”
Ye u tɔn wɔru bɛkia u kpa, Yesu u tɔmbu sɔ̃ɔsiru wɛ̃ɛbu torua, mɛ u ka bu sɔ̃ɔsiru wɛ̃ɛmɔ ben keu sɔ̃ɔsiobu ba ǹ sɔ̃ɔsiru wɛ̃ɛre nge mɛ. Win yiiko, weenasii yi u wɛ̃ɛmɔ, ka mɛ ba koo ka ye sɔmburu ko ben baadomma wãaru sɔɔ ya bu biti kua too.
Bɔnu 6: “Wiya wi u koo be na?”
Yesu u win dam sɔ̃ɔsi mɛ u koo ka gɔribu seeya. Win sɔm maamaakiginu ka win sɔ̃ɔsibu bu sɔ̃ɔsi kpasasa ye ya wãa be ba ra wi swaa dakin gɔ̃ruɔ. U weenasia loo kua u ka gãa dabinu tubusia Gusunɔn bandu sɔɔ.
