Jesusan suma yatiyäwinak yatiyatapa
Diosan Jesucristo Yoqapaw taqe jiwasanak laykojj jiwawayi, jupat jukʼamp yatjjatañatakejj aka videonak uñtam.
Episodio 1: Aka mundon cheqpach qhanapa
Adanajj juchar aptʼawaykistu ukat ¿kunjamsa salvassna? Mesiasakiw uka juchat salvistaspa.
Episodio 2: “Jupajj wali munat Wawajawa”
Bautisir Juanajj kunjamsa Mesiasan puriniñapatakejj thak wakichäna ukwa aka videon uñtäta. Jesusajj aka oraqen predicañ qalltkäna ukhajj kunanaksa luräna ukwa uñtarakïta.
Episodio 3: “Nayaw jupätjja”
Jesusajj walja jaqenakaruw Mesiasätap qhanañchäna. Jupanakat yaqhepajj akanakänwa: Nicodemo chacharu, Samariankir warmiru, Nazaretankir jaqenakaru. Ukampis suma chuyman jaqenakakiw jupar creyipjjäna. Wali musparkañ mä milagro lurasajja, Jesusajj chawlla katuri humilde chuyman jaqenakaruw jupan arkiripäpjjañapatak invittʼäna.
Episodio 4: “Ukatakiw nayajj jutta”
Jesusajj usutanakar qollasa, ukhamarak jaqenakat demonionak alissusaw Diosat chʼam katoqatap uñachtʼayäna. Ukham luratapajja, yaqhep jaqenakatakejj janiw walïkänti, ukatwa jiwayañ munapjjäna. Ukampis Jesusajj jaqenakat sinttʼasiskakïnwa, chuymar purtʼkirwa yaticharakïna, walja jaqenakaruw jupan discipulopar tukuyäna, 12 apostolonakaparuw ajllirakïna.
Episodio 5: Yatichäwinakap istʼasajj wal musparapjjäna
Usutanakar qollasajja, Jesusajj jaqenakaruw yatichañ qalltäna, janiw khitis jichhakamajj ukham wali sum yatichawaykiti. Jupajj uñachtʼäwinakampiw yatichäna, kunjamsa yatichäwinakaparjam sarnaqapjjaspa ukwa qhanañcharakïna. Jupar istʼasajja, jaqenakajj wal musparapjjäna.
Episodio 6: “¿Jumätati jutañapäkäna ukajja?”
Jesusajj jiwatanakar jaktayañatak chʼamanïtapwa uñachtʼayäna. Milagronakapasa, yatichäwinakapas kunas jaqenakan chuymapan utjäna ukwa qhanstayäna. Uñachtʼäwinakampiw Diosan Reinopat yaticharakïna.
