KONGA 4
“Ko e ʻUhinga ʻEni Naʻá Ku Haʻu Aí”
(Taimi: 54:56)
ʻOku fakamoʻui ʻe Sīsū ʻa e puké, kapusi ʻa e fanga tēmenioó, ngaohi ākonga, mo fili ʻene kau ʻapositolo ʻe toko 12. ʻOku kau ki he konga ko ení ʻa e ngaahi fakamatala ʻoku hā atu ʻi laló:
ʻOku faiako ʻa Sīsū ʻi he sinakoke ʻi Kāpaneumé; kapusi ha laumālie ʻuli (Maʻake 1:21-29; Luke 4:31-37)
Fakamoʻui ʻe Sīsū ʻa e faʻē-ʻi-he-fono ʻa Pitá (Luke 4:38, 39; Mātiu 8:14, 15; Maʻake 1:30, 31)
Fakamoʻui ʻe Sīsū mo e tokolahi kehe (Luke 4:40, 41; Mātiu 8:16, 17; Maʻake 1:32-34)
Lotu ʻa Sīsū ʻi ha potu lala (Maʻake 1:35-38; Luke 4:42, 43)
Ko Sīsū ʻokú ne malanga, faiako mo faifakamoʻui (Mātiu 4:23-25; Maʻake 1:39)
Fakamoʻui ʻe Sīsū ha tokotaha kilia (Maʻake 1:40-45; Mātiu 8:1-4; Luke 5:12-15)
ʻOku kumi ʻa Sīsū ki ha feituʻu lōngonoa ke lotu ai (Luke 5:16)
Fakamolemoleʻi pea fakamoʻui ʻe Sīsū ha tangata mamatea ʻi Kāpaneume (Maʻake 2:1-12; Mātiu 9:1-8; Luke 5:17-26)
Ui ʻe Sīsū ʻa Mātiu ke muimui ʻiate ia (Maʻake 2:13, 14; Mātiu 9:9; Luke 5:27-28)
Kai fakataha ʻa Sīsū mo e kau tānaki tukuhaú ʻi he fale ʻo Mātiú (Maʻake 2:15-17; Mātiu 9:10-13; Luke 5:29-32)
Fehuʻi fekauʻaki mo e ʻaukaí (Mātiu 9:14-17; Luke 5:33-39; Maʻake 2:18-22)
Malanga ʻa Sīsū ʻi he ngaahi sinakoke ʻo Siuteá (Luke 4:44)
Fakamoʻui ʻe Sīsū ha tangata puke ʻi he ʻaho Sāpaté ʻi he vai ko Petesetá (Sione 5:1-9)
Naʻe fakafehuʻi ʻe he kau Siú ʻa e tangata naʻe fakamoʻuí (Sione 5:10-13)
Maʻu atu ʻe Sīsū ʻa e tangata naʻe fakamoʻuí ʻi he temipalé (Sione 5:14, 15)
Lea ʻa Sīsū fekauʻaki mo e mafai kuo ʻoange ki ai ʻe heʻene Tamaí (Sione 5:16-24)
Ko e faʻahinga kuo mate fakalaumālié te nau fanongo ki he leʻo ʻo Sīsū pea te nau toe moʻui (Sione 5:25-27)
Ko e faʻahinga kuo nau mate ʻi he ngaahi fonualoto fakamanatú te nau toetuʻu mai (Sione 5:28-30)
Ko Sione Papitaiso, ngaahi ngāue ʻa Sīsuú, ko e Tamaí, mo e Tohi Tapú ʻoku nau faifakamoʻoni kotoa pē fekauʻaki mo Sīsū (Sione 5:31-47)
Ko Sīsū, “ko e ʻEiki foki ia ʻo e Sāpaté” (Maʻake 2:23-28; Mātiu 12:1-8; Luke 6:1-5)
Naʻe fakamoʻui ʻe Sīsū ʻi he ʻaho Sāpaté ha tangata nima mate (Luke 6:6-11; Mātiu 12:9-14; Maʻake 3:1-6)
Fuʻu kakai tokolahi ʻi he matātahí; Sīsū ko e sevāniti ʻofaʻanga ʻo e ʻOtuá; fakamoʻui ʻa e tokolahi (Maʻake 3:7-12; Mātiu 12:15-21)
Fili ʻa e kau ʻapositolo ʻe toko 12 (Luke 6:12-16; Maʻake 3:13-19a)
