(Taimi: 1:11:01)

ʻOku maʻu ʻe Siosifa mo Mele ʻa e monū makehe ke ʻohake ʻa e kiʻi tama ko Sīsuú. ʻOku kau ki he konga ko ení ʻa e ngaahi fakamatala ʻoku hā atu ʻi laló:

• Naʻe ʻi he kamataʻangá ʻa Folofola mo e ʻOtuá pea naʻe hoko ko ha ʻotua (Sione 1:1, 2)

• Naʻe ngāueʻaki ʻe he ʻOtuá ʻa Folofola ke fakatupu ʻa e ngaahi meʻa kehe kotoa pē (Sione 1:3a)

• Ko e moʻuí mo e māmá naʻe hoko mai ia ʻo fakafou ʻia Folofola (Sione 1:3e, 4)

• Kuo ʻikai ke ikuʻi ʻe he fakapoʻulí ʻa e māmá (Sione 1:5)

• Fakamatalaʻi ʻe Luke ʻa e puipuituʻa ʻo ʻene fakamatalá kia Tiofilusi (Luke 1:1-4)

• Tomuʻa tala ʻe Kepaleli ʻa e fanauʻi ʻo Sione Papitaisó (Luke 1:5-25)

• Tomuʻa tala ʻe Kepaleli ʻa e ʻaloʻi ʻo Sīsuú (Luke 1:26-38)

• ʻAʻahi ʻa Mele ki hono kāinga ko ʻIlisapesí (Luke 1:39-45)

• Fakahīkihikiʻi ʻe Mele ʻa Sihova (Luke 1:46-56)

• Fanauʻi mo hono fakahingoa ʻo Sioné (Luke 1:57-66)

• Kikite ʻa Sākalaiá (Luke 1:67-80)

• Feitama ʻa Mele tupu mei he laumālie māʻoniʻoní; anga ʻo e fakafeangai ʻa Siosifá (Mātiu 1:18-25)

• Fononga ʻa Siosifa mo Mele ki Pētelihema; ʻaloʻi ʻo Sīsuú (Luke 2:1-7)

• Hā ʻa e kau ʻāngeló ki he kau tauhi-sipí (Luke 2:8-14)

• ʻAlu ʻa e kau tauhi-sipí ki he ʻaiʻanga kai ʻo e manú (Luke 2:15-20)

• Fakahaaʻi atu ʻa Sīsū ʻi he ʻao ʻo Sihová ʻi he temipalé (Luke 2:21-24)

• Maʻu ʻe Simione ʻa e monū ke sio ki he Kalaisí (Luke 2:25-35)

• Lea ʻa ʻAna ʻo fekauʻaki mo e kiʻi tamá (Luke 2:36-38)

• ʻAʻahi ʻa e kau vavaló mo e faʻufaʻu ʻa Hēlota ke fakapoó (Mātiu 2:1-12)

• ʻAve ʻe Siosifa ʻa Mele mo Sīsū pea hola ki ʻIsipite (Mātiu 2:13-15)

• Tāmateʻi ʻe Hēlota ʻa e tamaiki tangata iiki ʻi Pētelihemá mo hono ngaahi vāhengá kotoa (Mātiu 2:16-18)

• Nofo ʻa e fāmili ʻo Sīsuú ʻi Nāsaleti (Mātiu 2:19-23; Luke 2:39, 40)

• Ko e taʻu taha-ua ko Sīsuú ʻi he temipalé (Luke 2:41-50)

• Foki ʻa Sīsū mo ʻene ongo mātuʻá ki Nāsaleti (Luke 2:51, 52)

• Ko e maama moʻoní ʻoku teu ke ne haʻu ki he māmaní (Sione 1:9)