Jesus bikʼijįʼ danilínígíí bikʼi dahodiiʼą́ God tʼáá bił aheejiłtʼé aazhdilʼí. (John 5:18; 10:30-33) Jesus doo God ayóó átʼéii tʼáá bił aheenishtʼé tʼáá ałtsojįʼ doo níi da. “Háálá shiTaaʼ shiláahgo átʼé,” ní Jesus.—John 14:28.

Jesus áłtsé bikeeʼ ndaakai yę́ę éí doo Jesus Diyin ayóó átʼéii doo bił aheejiłtʼée daígíí yaa ádahonízin ńtʼééʼ. Yilʼaadii Paul éí díí yaa chʼíhoníʼą́ Jesus dajiztsą́ą́dę́ę́ʼ nááhoʼdiilzáo, “Diyin God aghánáhóóʼáadi dah honeesdá.” Yilʼaadii Paul éí Jesus Diyin ayóó átʼéii doo tʼáá yił aheełtʼée dago yoodlą́ą ńtʼééʼ. Ákoósh haitʼéego God Jesus aghánáhóóʼáadi dah honeesdá?—Philippians 2:9.