Diyin Bizaad biiʼdóó Jesus kweʼé yoołkáałgo yizhchı̨́ doo níi da, doodaiiʼ celebrate ádaałʼı̨́ doo níi da. McClintock and Strong’s Cyclopedia ání: “God éí Késhmish doo áńdaałʼįįh níi da dóó Christian Greek Scriptures doo yaa halneʼ da.”

Késhmish hazhóʼó naalkaah éí doo Diyin dayoodlánígíí bitsʼą́ą́dóó háátʼiʼ. Diyin Bizaad ání God doo bił yáʼátʼééhgóó bichʼįʼ nahojiłáago éí doo hółdin da łeh.—Exodus 32:5-7.

1. Jesus’ yizhchínę́ę bá celebrate: “Ałkʼidą́ą́ʼ Oodlání yę́ę éí doo Jesus yizhchíi góneʼ celebrate ánídaʼałʼįįh ńtʼééʼ. Hoʼdizhchı̨́įjįʼ anáyííłką́ągo baa naʼaldeehígíí éí doo oodlání danilínígíí bitsʼą́ą́dóó yitʼihii átʼé.”—The World Book Encyclopedia.

2. December 25: Kweʼé yoołkáałgo Jesus biʼdizhchı̨́ haʼníníí éí doo bééhózin da. Church alą́ąjįʼ ánaazínígíí díí yoołkááłígíí éí díí ádaadzaa, doo daʼoodláanii yaa naakai yę́ę dóó winter solstice wolyéhígíí yił ahídeiʼyiiłtsood.

3. Ałchʼįʼ daʼalʼı̨́, daʼadą́, honeeni baa naʼaldeehii: The Encyclopedia Americana ání: “Ałkʼidą́ą́ʼ Rome dineʼé Saturnalia wolyéego yaa naakai. December yiziłígíí ałnííʼgóó yoołkáałgo éí yaa naakai bikʼehgo tʼóó ahayóí díí Késhmish haʼnínígíí honeeni bił ahídadéétʼiʼgo ádeiyiilaa. Éí celebration bitsʼą́ą́dóó, ałʼąą átʼáo chʼiyáán daʼdą́ dóó ałchʼįʼ ádaʼjiłʼı̨́ áádóó candles ałdóʼ dadiltłiʼ áńdajiilʼįįh.” Encyclopædia Britannica ání “Saturnalia baa naʼaldeehgo, naanish dóó andaʼiiniihii niʼ ndaalʼįįh.”

4. Késhmish lights: The Encyclopedia of Religion yee nitʼı̨́įgo éí, Europeans éí dabighan góneʼ “lights dóó evergreens tʼáá ałʼąą átʼáo” yee ndeichʼąąh éísh winter solstice dóó níłchʼi bidaʼiiníziinii bitsʼąą silá danízin.

5. Mistletoe, holly: “Druids ádeinízingo éí mistletoe éí magical properties biiʼ dahólǫ́. Evergreen holly bichʼįʼ nahadláago, jóhonaaʼéí nídoodáałgo bíká áhátʼı̨́.”—The Encyclopedia Americana.

6. Késhmish tʼiis: “Pagan Europeans, Christians daazlı̨́ı̨́ʼ ndi, tʼahdii tʼiis yichʼįʼ ndahadlá.” Dííshjı̨́įdi tʼiis bichʼįʼ nahadlá hooghan biyiʼ góneʼ “Yule tree éí hooghan bichʼéʼétiingi nideiyiissįįh midwinter holidays baa naʼaldeehgo.”​—Encyclopædia Britannica.