CHʼÉÉNÁ ÍDLĮ́ĮǴI BEE ÁKÁ ADOOWOŁII
Chʼééná Ídlı̨́įgi Aláahdi Bee Áká Adoowołii
AYÓÓʼÁJÓʼNÍINII ÁDIN YILEEHGO HAJÉÍ NEEZGAI ÁYIIŁʼĮĮH ÉÍ TʼAHDII NIDEIŁKAAH. Áłtséédą́ą́ʼ baa yádeiltiʼ yę́ę, éí tʼáá ałkʼidą́ą́ʼ Diyin Bizaad biiʼ hódzą́ bee ééhózinii hólǫ́ǫgo yaa halneʼ. Díí éí Diyin Bizaad bikʼehgo oodáłígíí bee naʼnitinígíí éí doo ániitʼéhígíí átʼéégóó ííshjání áyiilaa. Diyin Bizaad biiʼdę́ę́ʼ badaʼííníidlíigo yee nihichʼįʼ yáłtiʼ. Tsʼídá tʼóó ahayóí haneʼ biyiʼ éí nihíká análwoʼ, náánáłaʼ ákótʼéhígíí bee chánah niidzin dooígíí éí ádin.
-
Ayóóʼádeíníiʼnínę́ę ádaadinii doo tiʼdahoohníih da
Diyin Bizaad Ecclesiastes 9:5 ání, “Daneeznáanii éí tʼáadoo bił béédahóziní da.” “Bintsíkees ádįįh.” (Psalm 146:4) Diyin Bizaad ání ájídingo éí tʼóó ajiłhosh nahalin.—John 11:11.
-
Hweʼoodląʼ bidziilgo God ayóóʼóʼóʼníinii bee haʼjólníi doo
Diyin Bizaad Psalm 34:15 ání: ‘Tʼáá ákogi ádajítʼéii Jiihóvah * hakʼi déezʼı̨́ı̨́ʼ, índa bichʼįʼ sodazdilzingo hwíistsʼą́ą́ʼ.’ Nihisodizin éí God yee nihitah yáʼáhootʼééh áyósin dóó éí bee yáʼátʼéehgo nitsídídíikos doo tʼáá éí tʼéiyá da. Éí Ánihiilaii bił ahą́dí ádadííníilzingo bee bidziilii yee nihíká análwoʼ binahjįʼ hadaʼííníilní.
-
Náásgóó yáʼáhootʼéehgo bíká dadíníitʼı̨́ı̨́ʼ
Baa nitsíníkeesgo náasdi jishchááʼ naazhjééʼ yę́ę tʼáá ałtso beʼiinaʼ baa nídadoolyééł tʼáá akǫ́ǫ́ nahasdzáán bikáaʼgi! Diyin Bizaad biiʼdę́ę́ʼ ákóhodoonííł níigo yaa halneʼ. Nahasdzáán bikáaʼgi ákóhootʼée dooígíí Diyin Bizaad ání God éí “dabinákʼeeshtoʼ tʼáá ałtso yá yidootʼoł, aniné ádin doo, áádóó atínáhodinidleeh ádin doo, áádóó cha ádin doo índa adiniih ádin doo.”—Revelation 21:3, 4.
Ląʼí diné Jiihóvah dayoodlánígíí, chʼééná danilı̨́įgo éí bił chodahooʼínígíí bikʼéí ádaadinę́ę yił nidaʼahiidooltséełgo dayoodlą́. Ann, bichʼooní 65 nááhai yę́ędą́ą́ʼ ájídin, éí ájíní: “Diyin Bizaad bee haʼííníshní éí daneeznánígíí ayóóʼádeíníiʼnínę́ę doo tiʼdahoohníih da dóó God éí tʼáá ałtso yéénálniihgo ninéididoołjah. Éí béénáshniihgo shitsʼąą ájídin yę́ę baa nitséskees łeh áko ayóó átʼéego áshiʼdiilyaa ndi éí hazhóʼó bee haʼííníshníigo hashtʼeʼ áshósin!”
Tina, áłtsé baa chʼíhootʼánę́ę, ájíní: “Timo ájídin dóó wóshdę́ę́ʼ, God shika análwoʼgo baa ákonisin. Diyin Bizaad biiʼdóó haʼoodzíʼígíí nááʼdiijeeh éí tʼáá aaníí shił átʼé. Éí bee shidziilgo náásgóó Timo nínáánéídeestsééł nisin.”
Miiltsoh diné ánéelą́ąʼgo tʼáá ákótʼéego éí Diyin Bizaad yadaʼólí. Azhą́ shı̨́ı̨́ Diyin Bizaad doo tʼáá aaníí nínízin da doodaiiʼ tʼóósh baa nitsíníyeel ndi, tʼáá ni bee haʼoodzíʼígíí hazhóʼó naniłkaahgo nił bééhodoozįįł, éí daatsʼí tʼáá aaníí ádaatʼé. Diyin Bizaad éí chʼééná danilínígíí yéigo bíká adoolwołígíí biiʼ hólǫ́.
DANEEZNÁNÍGÍÍ BÁ CHOHOOʼĮ́ ŁAʼ BÍNÁÁHODÍÍŁʼÁÁŁ
Video dínííłʼįįł éí website, jw.org níníłʼı̨́
Diyin Bizaad biiʼdę́ę́ʼ haʼoodzíʼígíí éí náasdi daneeznánígíí ayóóʼádeíníiʼnínę́ę náádabidiʼdooljah
ŁAʼDA BEʼIINAʼ NIITʼIHGO, HAASH YIITʼĮĮH?
Niheʼiinaʼ niitʼihgo haash yiitʼįįh? Diyin Bizaad ání bee haʼahóní ííshjání áyiilaa
NAALTSOOS BÁ HOOGHAN > NDAʼALKIDÍGÍÍ níníłʼı̨́ (Video category: The Bible)
HANEʼ NIZHÓNÍGÍÍSH NIŁ YÁʼÁTʼÉÉH?
Doo yáʼáshǫ́ǫgo haneʼ tʼóó ahayóí, háadish haneʼ nizhónígíí dadidiitsʼı̨́ı̨́ł?
BIBLE TEACHINGS > HASHTʼEHODITʼÉ DÓÓ IŁ HÓZHǪ́ níníłʼı̨́
^ par. 7 Diyin Bizaad biiʼ God bízhiʼ éí Jiihóvah wolyé.
