Fiha e Higoa he Atua?
Ko e tali he Tohi Tapu
Taha ni e higoa he Atua. Kua tohi faka-Heperu יהוה mo e kua fakaaoga he tau tagata Niue a “Iehova.” Mai he perofeta haana ko Isaia, pehē e Atua: “Ko au ko Iehova, ko e haku a higoa haia.” (Isaia 42:8) Ko e higoa nei kua tohia ke he molea e 7,000 i loto he tau fakamauaga tuai he Tohi Tapu—mua atu e fakaaoga ke he falu matahigoa he Atua po ke higoa he tau tagata. a
Fai higoa foki nakai a Iehova?
Pete kua taha ni e higoa he Atua i loto he Tohi Tapu, ne fakaaoga foki e tau matahigoa mo e fakamaamaaga kia ia. Ko e tau fakamauaga ne fakakite e tau matahigoa, mo e fakamaamaaga he falu mahani ha Iehova i lalo.
Matahigoa |
Kupu he Tohi Tapu |
Kakano |
|---|---|---|
Alefa mo e Omeka |
“Ko e kamataaga mo e fakahikuaga,” po ke “ko e fakamua mo e fakamui,” ko e kakano kua nakai fai Atua Mana fakamua ka ko Iehova ni hokoia, ti nakai ha i ai taha ke mui mai kia ia. (Isaia 43:10) Ko e alefa mo e omeka ko e tau matatohi fakamua mo e fakahiku he alafapete Heleni. |
|
Allah |
(Ai Fai) |
Nakai ko e higoa he tagata e kupu Arapi “Allah,” ko e matahigoa he “Atua.” Ko e tau fakaliliuaga faka-Arapi he Tohi Tapu mo e falu vagahau ne fakaaoga e kupu “Allah” ke tatai mo e “Atua.” |
Atua |
Ko e mena ke tapuaki ki ai; ko Ia ko e malolō. Ko e kupu faka-Heperu ʼElo·himʹ ne kakano kua loga, ne hagaao ke he fakahekeaga, lilifu po ke mitaki katoatoa ha Iehova. |
|
Atua fakamoui |
Fakahao mai he tau mena kelea po ke moumouaga. |
|
Atua he tau atua |
Ko e Atua mua ue atu, ka fakatatai ke he “tau tupua” ne tapuaki he falu.—Isaia 2:8. |
|
Atua Mana |
Malolō lahi mahaki a Ia. Ko e kupu faka-Heperu ʼEl Shad·daiʹ, “Atua Mana,” ne kitia lagafitu i loto he Tohi Tapu fakamua. |
|
Iehova Sapaota |
Ko e takitaki he tau agelu oti. |
|
Iki |
Tau kupu faka-Heperu ʼA·dhohnʹ mo e ʼAdho·nimʹ ne kakano ko e pule po ke iki. |
|
Ita tafuā |
Esoto 34:14, King James Version |
Nakai talia ke tapuaki ke he taha atua. Kua fakaliliu e tau kupu nei “kua nakai talia ke tapuaki ke he taha atua” mo e “tapuaki ni ki a ia ni.”—God’s Word Bible; New World Translation. |
Fanogonogo liogi |
Fanogonogo ke he tau liogi takitaha ha lautolu ne tua fakamooli. |
|
Ko Au Ko e Moui, Kua Moui Ai Ni |
Esoto 3:14, King James Version |
Taute e ia ha mena ke fakamooli e finagalo haana. Kua fakaliliu foki e tau kupu nei “To Fakamooli Ai Au ke he Mena Ia ti to Fakamooli Ni Au Ki Ai.” (The Emphasised Bible, mai ia J. B. Rotherham; New World Translation) Ko e talahauaga nei ka fakamaama e higoa ha Iehova, tuga ne fakakite he kupu nei.—Esoto 3:15. |
Leveki Mamoe |
Leveki a lautolu ne tapuaki ki a ia. |
|
Mai i Tuai Hana Tau Aho |
Kua mai i tuai tigahau a ia; kua moui tukulagi ato tufugatia ha mena foki.—Salamo 90:2. |
|
Maka Tumau |
Ko e taue tokoluga mo e fakamouiaga. |
|
Matua |
Ko e punaaga he moui. |
|
Mua Ue Atu |
Tokoluganea e nofoaga, ko e patuiki ne mua ue atu. |
|
Patuiki Tukulagi |
Nakai fai kamataaga po ke fakahikuaga e haana pule. |
Tau higoa he tau matakavi he Tohiaga Tapu Heperu
Falu matakavi he Tohi Tapu ne toka ai e higoa he Atua, ka e nakai ko e taha higoa foki he Atua a ia.
Higoa he matakavi |
Kupu he Tohi Tapu |
Kakano |
|---|---|---|
Iehova-nisi |
“Iehova ko e Haaku a Pou Fakamailoga,” po ke “haaku Fakamailoga.” (Today’s New International Version) Ko Iehova ko e Atua ne o atu e tau tagata haana ke moua e puipuiaga mo e lagomatai.—Esoto 17:13-16. |
|
Iehova-saloma |
“Monuina a Iehova.” |
Tau kakano ke iloa mo e fakaaoga e higoa he Atua
Ko e logonaaga he Atua ko e haana higoa ko Iehova kua uho, ha kua tohia ke he afe mo e afe e magaaho i loto he Tohi Tapu.—Malaki 1:11.
Talahau tumau he tama he Atua ko Iesu e uho he fakaaoga e higoa he Atua. Ma e fakatai, liogi a ia ki a Iehova: “Kia tapu hau a higoa.”—Mataio 6:9; Ioane 17:6.
Ko lautolu ne iloa mo e fakaaoga e higoa he Atua, ko e lakaaga mua a ia he atihake e kapitiga mo Iehova. (Salamo 9:10; Malaki 3:16) Ko e fakafetuiaga pihia ne lagomatai a lautolu ke moua e maveheaga he Atua: “Ha kua manako lahi mai a ia kia au, ko e mena ia ke fakamoui ai e au a ia; to fakalilifu e au a ia ha kua iloa e ia haku a higoa.”—Salamo 91:14.
Talahau he Tohi Tapu: “Ha ko e mena pete ni he talahaua ko e tau atua, ko lautolu ha he lagi, katoa mo lautolu ha he lalolagi, (ha kua tokologa e tau atua, mo e tokologa e tau iki).” (1 Korinito 8:5, 6) Ka e fakakite fakamaali ko e higoa he Atua mooli, ko Iehova.—Salamo 83:18.
a Ko e fakakū he higoa tapu, ko “Ioha,” ne liga 50 e magaaho ne talahau he Tohi Tapu, pihia foki e “Haleluia,” po ke “Aleluia,” ne kakano ke “Fakaheke ki a Ioha.”—Fakakiteaga 19:1; American Standard Version; King James Version.
Liga Manako Foki a Koe
TAU FAKAAKOAGA AOGA HE TOHI TAPU
Fai Higoa Nakai e Atua?
Ko e Atua ne loga e tau matahigoa, tuga ko e Atua Mana, Tufuga, mo e Iki. Ka ko e higoa he Atua ne fakaaoga he molea e 7,000 i loto he Tohi Tapu.
HAGAAO KI A MAUTOLU
Ole ke Ahiahi Mai
Fakatutala ke he hūhū he Tohi Tapu, po ke fakaako atu foki hagaao ke he Tau Fakamoli a Iehova.