KO E KOLO TOKO—FUFUTA FAKAAKO Oketopa 2016
Ha ha he fufuta nei e tau vala tala fakaako ma Novema 28 ke he Tesemo 25, 2016.
“Aua Neke Nimo ia Mutolu ke Fakaalofa Age ke he Tau Tagata Kehe”
Fēfē e onoonoaga he Atua ke he tau tagata kehe? Ko e heigoa ka taute e koe ke lagomatai a lautolu mai he tau motu kehe ke logona hifo e lautolu e mafanatia he fakapotopotoaga?
Fakatumau e Malolō Fakaagaaga Haau he Fekafekau ke he Fonua Vagahau Kehe
Puipui e tuaga fakaagaaga haau mo e he magafaoa haau kua lata ke tuku fakamua he tau Kerisiano oti. Ka e ka gahua a koe he fonua vagahau kehe, fehagai a koe mo e tau paleko pauaki.
Fakamalolō e Tua Haau ke he Mena kua Amaamanaki a Koe ki Ai
Moua e tautolu e malolō mai he tau fakafifitakiaga fakalagalaga he tua he tokologa, he vahā i tuai mo e vahā nei. Fakamalolō tumau fēfē e koe e tua haau?
Fakagahuahua e Tua Haau ke he Tau Maveheaga ha Iehova
Ko e heigoa mooli e tua? Mua atu ai, fakagahuahua fēfē ai e koe?
TALA KE HE MOUI
Eketaha ke Muitua e Tau Fakafifitakiaga Mitaki
Fakamafana he tau Kerisiano motua fakaagaaga ka lagomatai e falu ke fakatoka mo e moua e tau foliaga aoga. Talahau e Thomas McLain e puhala ne fakatoka he falu e tau fakafifitakiaga mitaki ma haana, mo e puhala ne eketaha a ia ke lagomatai e falu.
Iloa Nakai e Koe?
Mooli kia he vahā i tuai na gana mooli atu foki he tagata e tau titania ke he fonua he taha tagata?
