SOHALÖWÖ BA MBETIELI Ira talifusö si no tebayagö idanö si lö irugi 35 fakhe ba somasi mohalöwö ba Mbetieli, ena’ö la’ondrasi rafe ba luo Zumaha talu ma’ökhö. Inötö ba nahiania la’ombakha’ö sa dania.

SEKOLAH BAGI PENGINJIL KERAJAAN Perintis si 23 irugi 65 fakhe somasi mondrou’ö halöwö fangombakha ena’ö la’ondrasi rafe ba luo Migu talu ma’ökhö sanandrösa ba Sekolah bagi Penginjil Kerajaan. Inötö ba nahiania la’ombakha’ö sa dania.

SOHALÖWÖ BA WAMÖFÖGÖ Ya’ira andre mohalöwö ira ba wanolo ira talifusö. Falulu fohalöwö ita ena’ö ta’o’ö goi-goi si no latatugöi hezo nahia honda faoma moto, ba wangai nahia wedadao, sofanö ma si tohare, ba tanö bö’önia nasa.

FAMAYAGÖ IDANÖ Na lö tebulö dania, no tehenaigö nahia wedadao khö ndra talifusö sedöna mubayagö idanö tanö föna ahatö ba panggung. Ena’ö mudadao ira ba da’ö fatua lö mufa’ema huhuo wamayagö idanö sihulö wongi ba luo Satu. La’ohe handru ba nukha famagati soadu zamösana.

TOLO-TOLO SAOHAGÖLÖ FAME’E Ebua gefe ni’oguna’ö ba wanga’asogö kurusi, fangebua li, ba oya danö bö’önia nasa ena’ö tola ohahau dödöda ba gangowuloa andre ba wangahatö’ö ya’ita khö Yehowa. Tolo-tolo si no aoha gölö fame’e si oroi ndra talifusö, da’ö wa tola tefalua halöwö ba gangowuloa andre hegöi halöwö fanuriaigö ba zi sagörö ulidanö. Ena’ö aoha khöu wame’e dolo-tolo, no muhenaigö naha ba gangowuloa andre. Fefu zi no mibe’e ma’andrö saohagölö. Boto Solohe la’andrö saohagölö khö ndra talifusö me no milului halöwö Mbanua Lowalangi soroi ba dödö.

FANOLO SIFÖFÖNA NA SO ZOFÖKHÖ Da’a HA FANOLO SABATA.

GAMA-GAMA SI NO TAYA BA SI NO MUSÖNDRA Na so gama-gama si no taya ba musöndra, mi’ohe ba Departemen Gama-Gama si No Taya ba si No Musöndra. Na so zi taya, ondrasi ndra talifusö sohalöwö ba fatunö khöra hadia döi gama-gama si taya andrö. Na so ndraono si no elungu ma no fandrö-ndröu ia khö zatuania, ohe ia ba nahia departemen andre. Da’a tenga nahia wondröi iraono. Rorogö nonou zamösana, ba böi fabali ira khöu.

NAHA WEDADAO Onorogö tödö niha bö’ö. Tola öhenaigö öhalö naha wedadao ha khö talifusöu ba wa’aniha, si sambua moto khöu, ba zi sambua omo khöu, ma niha nifaha’öu ba Zura Ni’amoni’ö. Böi be’e gama-gama ba gurusi si lö öfake ena’ö la’oguna’ö niha bö’ö.

SOMASI MOHALÖWÖ Na omasi ötolo wolului halöwö ba gangowuloa, ombakha’ö khö ndra talifusö bagian Informasi hegöi Departemen Sukarelawan.