ToTajtsin kinteochiua akin tepaleuiyaj
Miyekej tlaltikpakchanejkej xkipiyaj tlen kikuaskej niman xkipiyaj kanon chantiskej. Niman sekimej kinpoloua makimijlikan tlenon kualtsin panos ika tlayekapan. ¿Kenon uelis tikinpaleuiskej oksekimej niman ijkon toTajtsin techteochiuas?
TLEN KIJTOUA ITLAJTOL TOTAJTSIN
“Tla tiktlanejtia itlaj sen mayanki, kijtosneki tiktlanejtia toTEKO, niman toTEKO yejua mitskuepilis” (PROVERBIOS 19:17).
¿KENON UELIS TIKINPALEUISKEJ OKSEKIMEJ?
Jesús otlajto itech se tlakatl akin okitlachtekilijkej niman melak okiuisojkej (Lucas 10:29-37). Se tlakatl akin yolkuajli katka okipaleui, maski oksekan ualeuaya.
Yejuin tlakatl akin yolkuajli katka xsan okikuiteuj niman xsan okipaleui ika tomin. Noijki okitak ika kuajli mapajti.
¿Tlenon techmachtia yejuin? Jesús techmachtijtoya ika noneki tikinpaleuiskej oksekimej (Proverbios 14:31). ITlajtol toTajtsin techijlia ika san achijtsin poliui ijkuak xok itlaj techpolos niman xok titlajyouiskej. San ika ¿kenon niman kemanon kichiuas? Ipan okse tlamachtijli tikitas kenon toTajtsin akin otexchijchiuj mitsteochiuas.
