NCIPO 63
Na Anamoona a Yehova!
(Isaiya 43:10-12)
-
1. Amiluku oowoka
Veelaponi aakhala.
Amiluku yaawo,
Hanavuluxa.
Pahiru ti Yehova
Orinono owerya,
Ni waavuluxa achu awe.
Nimvuwiheke yooworu.
(KOORU)
Anamoona ti hiyo
A Yehova Muluku.
Yoowo oni alakelela,
Onnawerya weerano.
-
2. Nilaleerye michaka
Sa Yehova Muluku.
Ni Omwene awe,
Yoowo onoorwa.
Naakhaviherye achu
Ekhale ootaphuwa.
Ehakalaleke ni hiyo,
Nimwiipelaka Yehova.
(KOORU)
Anamoona ti hiyo
A Yehova Muluku.
Yoowo oni alakelela,
Onnawerya weerano.
-
3. Ti yoohakalaliha
Waahusihaka achu.
Wi echaruweke
Saweera saya.
Ni emulapeleke,
Muluku a wirimu.
Wi ekhaleno murecele
Ni ekumi yoohimala.
(KOORU)
Anamoona ti hiyo
A Yehova Muluku.
Yoowo oni alakelela,
Onnawerya weerano.
(Moone tho Isa. 37:19; 55:11; Ezek. 3:19.)
