VINYANI! 2020 N.° 2 | Makoho 5 Vooloca sa Makacamiho Yaakhuliwe
Ohuserya eparipari onahaala wookhaviheryaani ophwanya nlipiho vaavaa munahoolelaanyu makacamiho.
Seiho Akina Anaroromelaaya
Mulikanyihe mukhalelo malapelo oohiyanahiyana anoonaaya sa makacamiho.
1 Apwanne Muluku Tonatannya Makacamiho Ahu?
Achu annawokiwa moorweela wa mahusiheryo yaawo ahinamucicimiha Muluku. Teevi eri eparipari?
2 Apwanne Nookhalano Nthowa wa Makacamiho Ahu?
Waakhanle wi naakhulo ti nawi aai, akhweya nookhalano owerya wa ovukula makacamiho ahu.
3 Ntakhara Heeni Achu Aphaama Annahooxeya?
Piipiliya onnanikhaviherya wiiwexexa naakhulo naya.
4 Apwanne Muluku Onachuna wi Nihooxeyeke?
Apwanne Muluku yoowo opatunxe ichu sooreera mulaponi, toneeriha wi okumi ahu oohooxeyeke? Waakhanle wi hooye, tiheeni enananre?
5 Makacamiho Enarwa Emala?
Piipiliya onnanleela phaameene mukhalelo Muluku onahaaleiye omaliha makacamiho.
Muni Mphwanye Woowi Nikhaviheryo?
Naamwi okhalaka ntoko wi makacamiho ahu toohiweryeya, wookhalavo ohoolela onahaala onikhaviherya.
