Mapaceryiho a Nikupa 2
Ntakhara heeni Yehova aaruuha maahi mancipale wi amalihe elapo ya khalai? Opacerya khalai ti woovila osempa yoonanara ni weera yaphaama. Achu akina ntoko, Atamu, Eva ni mwanaya Kayine, yaathanla weera yoonanara. Achu vakhaani ntoko Apele ni Nowa ti yaathanlile weera yaphaama. Achu yaatepa otakhala mirima ophiyerya wi Yehova amaliha elapo yeele ya khalai. Nikupa nenla nnahaala onikhaviherya osuwela wi Yehova onnoona ichu nneeraahu, nave harwa eemererya wi ichu soonanara ititelele okhala.
MU NIKUPA NENLA
MWAHA 3
Atamu ni Eva Yaamuchekela Muluku
Tiheeni yeeriha wi mwiri mmoha okhale wavameekhaaya mu emaca ya Eteni? Ntakhara heni Eva aalya yawiima eyo?
MWAHA 4
Kayine Aamwiipha Apele
Muluku aaheemererya mukucho wa Apele ohiya wa Kayine. Vaavaa Kayine onneiye, aatepa onyeenyeya nave aapaka echu yoonanara.
MWAHA 5
Nowa Aampaka Mwaaceya
Vaavaa ankeelo ootakhala yaathenlaaya athiyana veelaponi, awo yaahaayara anamwane akuru ni ooroxa. Nlala naasareya voothevene. Nyenya Nowa aanamusivela ni omwiiwelela Muluku.
MWAHA 6
Achu Athanu Nararu Yaavolowa Elapo Evyaani
Epula yaarupa mahiku 40. Nowa ni emusi aya yaakhala mmwaacerya opwaha eyaakha emoha. Wookuchulani, Muluku aahaaleela wi ekhumemo.
