Na ngoi mɛndó lo ge lɛ sese ko, Yezo fandó yangondo ya, lo ndo ye azi na ndenge mɛndó lo hɛ̃ dungɔ lɛ ngɛ̃́ tɛ lo so tɔ̃ngɔ ala. (Matie 20:28; Yoanɛ 15:13) Angbã dã lo na fangɔ songɔ tɛ lo fãni mɛndɛ̃ na lo tɛ azi na ndenge mɛ lo na salelangɔ kumba tɛ lo ti Gbia ti Lo-lengɔ Gbia tɛ Nzapa so “onzingɔ to na ndo lɛ sese zu”.—Nzembo 46:9.

 Ba atɛnɛ mɛ Ngbangɔ tɛnɛ na lo ti aye mɛ Yezo na lingɔ:

•   “Lo na sarangɔ wa yɛlɛ mɛ ndo to to ti yɔngɔ lisalisi, ná mbumbusɛ zo ná zo zu ko la ta lo na zo ti zangɔ lo ma. Lo na mangɔ vundu tɛ mbumbusɛ zo ná wa yɛlɛ, wa lo na sarangɔ dungɔ lɛ ngɛ̃́ tɛ awa yɛlɛ. Lo na sarangɔ ala na ya pɛnɔ nga na ya mobulu.”—Nzembo 72:12-14.

 Ngasia la elengbi ti fangɔ ya e ndo hɛ̃ Yezo sia kɔli na lo ti aye zu mɛndó lo li na lo e nga na lo ti aye mɛ lo na lingɔ na ndo bi mɛ na gangɔ nɛ? Yezo pando hɛ̃ ava lo kaya Luka 22:19 ya, ala ndo da bɛ la na bi ti kwá tɛ ni. Na lo ni la bulu zu, na landangɔ bi mɛndó Yezo li na ni, Atɛmwɛ tɛ Yehova ndo li bombi so dangɔ bɛ la na bi ti kwá tɛ Yezo. E ili mɔ na dengɔ bɛ zu ya, mɔ ga bombi niko na Lá yenga, bi nzɛ ti 24/2024.

Ba ndo mɛ e na dangɔ bɛ e na bi ti kwá tɛ Yezo