Wee air gaur arbëdsmësch is, is ni fuul. Ine wårhët, dai däit sër gërn sër arbëre taum sich ernääre un andrer lüür helpe. Dai mökt dat, nog wen dat ainfach arbëd is.

In leewend wij ale häwe feel oiwer oos taum måken. Ine wild woo feel lüür ni sër gërn arbëre wile, air gaur arbëdsmësch sin is wat schöönes. (Eclesiastes 3:⁠13)

“Mite tijd, ik häw forståe wen’s duu gaud arbëre däist, duu büst taufreere un fröölig dårmit. Dat hät mij hulpe dat ik gërn arbëre dau. Air gaur arbëdsmësch sin däit dij uk helpe aine gaure nåme häwe.” - Reyon

WAT SÄGT DAI BIJBEL? “Jërer swår arbëd bringt beloonen, åwer bloos fortele bringt armhët.” (Provérbios 14:⁠23)

Taum ain gaur mainung häwe oiwer der arbëd, dau dës daile måke:

Dau lëre dai daile gaud måke un wäs fröölig dårweegen. Hät nischt sägen of’s duu t’huus arbëre däist urer ine schaul, måk ümer dij best. Wen’s duu aine arbëd måken forstäist, dau forsuike der dreler un beeter måke. Ji beeter as wat’s duu aine arbëd måke forstäist, ji beeter däit dij dat gefale.

WAT SÄGT DAI BIJBEL? “Däist duu aine kene wat gaud sijne arbëd mökt? Dau waite dat dai beeter is as dai mëste un is wërd t’hoop sin mit dai köönigs.” (Provérbios 22:⁠29)

Dau andenke wosoo as dij arbëd dai andrer helpt.  Wen’s duu gaud dijne arbëd måke däist, mëstümer dat däit der andrer helpe. Soo as, wen’s duu gaud der arbëd t’huus måke däist, duu däist dai gans familg helpe.

WAT SÄGT DAI BIJBEL? “Is mër fruir in geewen, as im krijgen.” (Atos 20:⁠35)

Måk mër as dat wat’s duu oiwer dij häst. Dau ni taufreere sin bloos mit wënig måke. Dau mër måke as wat dij forlangt is. Soo, häst duu ales ine raich in dijn leewend un däist mër måke dat’s duu dat wilst, ni dat dij dat air sägt hät. (Mateus 5:⁠41)

WAT SÄGT DAI BIJBEL? “Dat dij gaur arbëd ni mit gewald måkt wart, åwer jå mit fraiwile.” (Filêmon 14)

Häw ales ine raich. Gaur arbëdslüür sin ni fuul, åwer daue sich uk ni tau dul häwe hijner arbëd. Sai forsuike ales ine raich häwe, arbëre un uk tijd häwe taum uutroogen.

WAT SÄGT DAI BIJBEL? “Is feel beeter ain handful uutroogen as twai häinful swår arbëd un hijner wind loope.” (Eclesiastes 4:⁠6)