WAT DAUE DAI LÜÜR SÄGE

Feel lüür daue maine dat wen dai lei dat erlaube däit, gild were, schårt nischt. Wek gild wat kåme däit for dësem were, soo as dai loteria wat dai regirung erlaube dau, wart benutst taum dai lüür mithelpe.

WAT DÄIT DAI BIJBEL SÄGE

Ine Bijbel stäit nischt sreewe oiwer dat gild were, åwer dai Bijbel däit wijse wat God forneeme däit dåroiwer.

Gild were is grår soo as dat gild gewene wat andrer forspeelt häwe. Dat is gans aners as sich trööghule “fon al sort groot oogen”, soo as stäit ine Bijbel. (Lucas 12:15) Feel lüür daue were, weegen sai häwe groot oogen dår up. Up dai stel woo sai were daue, daue sai säge dat dai lüür koine feel gild fordaine, åwer sai säge ni dat, dat sër slim is taum gewinen. Sai daue waite dai lüür wile sër gërn rijk ware, dårweegen wile sai eer gans gild uutgeewe. Dat help der mësche ni sich inlåte mit der groot oogen, åwer dat mökt dat dai lüür rasch gild fordaine wile.

Dai mësch wat gild were däit, däit bloos denke an sich alaine, weegen dai wil dat gild gewine wat der ander forspeelt häwe. Dai Bijbel däit säge dat wij döre ni oose “aigen wile suike, åwer der andrer mësche sijne.” (1 Coríntios 10:24) Un ain for dai tëgen geboote sägt: “Dau dij ni wünsche . . . irgends ain dail wat dijn näigster hööre däit.” (Êxodo 20:17) Dai wat dat gild were däit, wil soo gërn dat gild häwe, dat dai soo gërn wil dat dai anerd dat forspeele schal.

Dai Bijbel däit uk säge dat is ni richtig anglööwe dat, dat gaur glück giwt. Wek ine früüsch tijd, in Israel, wat aine swak gloobe hare an God, häwe anfånge “wat up disch dråge taum dai god fone dai gaud glück”, åwer däir God dit anneeme? Në. God hät sägt taum eer: “Jij sin bijbleewe slechte daile måke foir mijn oogen, un jij häwe uutsöcht wat mij ni anståe däit.” (Isaías 65:11 un 12)

Is wår dat in wek steele fone wild, däit ain regirung wat fon dat gild benutse, wat were woore is, taum dai lüür mithelpe, åwer dai regirungs krijge dës gild doir dat wat dai lüür måke weegen dai groot oogen urer dat sai bloos an sich selwst denke daue. Un dårweegen maine dai lüür dat gild krijge koine, ån sich anstrenge urer arbëre dårtau.

“Dau dij ni wünsche . . . irgends ain dail wat dijn näigster hööre däit.” (Êxodo 20:17)

WAT DÄIT DAI BIJBEL SÄGE

Dai Bijbel sägt oos, dat dai wat sich annåme häwe rijk ware, “wen forsuikt ware fale in sleng un in feel forkërd wünsch wat schåre, wat dai lüür nåm uutroten un unglük bringt.” (1 Timóteo 6:9) Feel lüür wat gild were, daue dat måke weegen groot oogen. Dai Bijbel däit säge wij döre kain groot oogen häwe, dat däit oos sër feel schåre. (Efésios 5:3)

Dai Bijbel däit säge dat “gild lijbe bringt al sort daile wat schåre”. Wen dai mësch gild were däit, dai fäng an dat gild lijbe. Dai däit glööwe dat gild fordaine kan, ån sich anstrenge dårtau. Dai mësch däit sich soo dul dat gild wünsche, dat dai unruing wart un eer gloobe an God swak wart. Dai Bijbel däit inlëre, dai wat dai gild lijbe, daue ‘sich selwst feel doirseten måke.’ (1 Timóteo 6:10)

Wen’s duu groot oogen häst, duu büst nij ais freere mit dat wat’s duu häst un duu büst nij ais fröölig. Dai Bijbel sägt soo: “Wee silwen lijbe däit, wil ümer mër silwen häwe un wee dai rijkhët lijbe däit dai is nij ais tau freere mit dat wat dai hät.” (Eclesiastes 5:10)

Feel lüür wat anfånge häwe ane gild were, häwe ni mër anhule kreege. Dit däit passijre ine ganse wild. Ain upsuiken wat sai måkt häwe in Estados Unidos, däit wijse dat dår, feel milijone lüür kreege ni anhule ane gild were.

Dai Bijbel in Provérbios 20:21 sägt soo: “Ain rijkhët wat dai groot oogen anfänge däit, am ën bringt kair seegen.” Weegen dat gild were, feel häwe sër feel schulden hat un sin pangeråt woore. Un nog, sai sin åne arbëd bleewe, åne amigos un häwe sich uutananersreewe. Wen wij någåe wat dai Bijbel sägt, wij daue kair nood doirsete wat kümt fon gild were.

“Dai wat rijk ware wile, fale in forsuiken, in sleng un in feel forkërd wünsch wat schåre, wat dai lüür nåm uutroten un unglük bringt.” (1 Timóteo 6:9)