TLAKUIKALI 132
Nochipa nimitstlasojtlas
(Génesis 2:23, 24)
-
1. Yonikijto ixpan Jehová
nimitsmaluis uan niyolpaki.
San sekan axkan tikatej,
onimitspejpenki.
Onechpakti ken moyelis,
te tiktlasojtla toTajtsin Dios.
Nochipa nimitstlasojtlas,
¡moaxka noyolo!
Nikmati mouan niyolpakis,
techyekanas Dios,
noijki ye techmaluis.
Te tikmati nimitsneki,
totlasojtlalis amo tlamis.
Nochipa tikkauiliskej
ma techmachti toDios Jehová.
(Noijki xikita Gén. 29:18; Ecl. 4:9, 10; 1 Cor. 13:8).
