Itech nenamiktilis uan ijkuak namikuanij kitsayanaj amat ininixpan tekiuanij tiitaixpantijkauan Jiova timoyekanaj ika tein Biblia tayolmajxitia. Dios kiixtalij nemilis kemej namikuanij uan kinekia maj takat uan siuat senyetonij nochipaya. Biblia kijtoua ke namikuanij sayoj uelis kitsayanaskej amat ininixpan tekiuanij komo semej auilnemi (Mateo 19:​5, 6, 9).

 Kemaj. Seki nepaleuilmej tein tikpiaj yejua nejin:

•   Amaixmej. Toamaixuan kipiaj tamachtilismej tein kinpaleuia namikuanij maj kuali mouikakan, hasta akin moitaj ke amo uelijok nemij kemej namikuanij. Kemej neskayot, xikonita tamachtilismej “Cómo fortalecer el sentido del compromiso en el matrimonio”, “Cómo perdonar” uan “Cómo recuperar la confianza perdida”.

•   Nechikolmej. Itech nechikolmej tein tikpiaj chijchikueyitika, ijkon kemej itech uejueyi nechikolmej timomachtiaj tein Biblia kinyolmajxitia namikuanij.

•   Tayekananij. Keman namikuanij kipiaj kuejmolmej, tayekananij itech nechikol kinpaleuiaj keman iniuan kiixtajtoltiaj textos itech Biblia kemej Efesios 5:​22-​25.

 Amo. Tayekananij uelis kinpaleuiskej namikuanij maj kimelauakan ininkuejmoluan, sayoj ke amo uelis kiniluiskej toni moneki kichiuaskej (Gálatas 6:5). Sayoj ke, Biblia kijtoua ke aksa uelis kitsayanas amat ininixpan tekiuanij uan oksepa uelis monamiktis, sayoj komo inamik auilnemik (1 Timoteo 3:​1, 5, 12).

 Biblia kinyolmajxitia namikuanij maj kisentokakan senyetokan maski kipiaskej kuejmolmej (1 Corintios 7:​10-​16). Miak ouijkayomej uelis kimelauaskej komo kitajtaniaj inepaleuil Dios, kitakamatij tein Biblia tayolmajxitia uan kinextiliaj netasojtalis ininnamik (1 Corintios 13:​4-8; Gálatas 5:​22).

 Sayoj ke sekin namikuanij akin kichiuaj kemej Cristo kiixtalianij mokauaskej porin kipanouaj nejin ouijkayomej:

•   Senkis amo kinekij kintekipanoskej ininchankauan (1 Timoteo 5:8).

•   Semi kinteuiaj (Salmo 11:5).

•   Senkis amo kinkauaj maj kiueyichiuakan Dios. Kemej neskayot, keman se takat oso se siuat kichikaujkauia inamik maj kitapanauili itanauatiluan Dios. Akin kichiua kemej Cristo uelis kiixejekos kikauas inamik porin sayoj ijkon uelis kitakamatis “Totajtsin Dios uan ma amo achto [...] in tagayot” (Hechos 5:​29).