Dios kintatiochiuia akin kinpaleuiaj oksekin
Itech nochi taltikpak, miakej amo kipiaj tein kikuaskej uan kani nemiskej. Sekin sayoj moneki maj kiniluikan ke satepan motayektalis. ¿Keniuj uelis tikinpaleuiskej oksekin uan ijkon Dios uelis techtatiochiuis?
TEIN KIJTOUA ITAJTOL DIOS
“Akin kinextilia kualtakayot akin kipanotok tatasojtilis kitaneujtia Jiova, uan yejuatsin kiixtauilis tein kichiua” (PROVERBIOS 19:17).
¿KENIUJ UELIS TIKINPALEUISKEJ OKSEKIN?
Jesús kitetapouij tein kipanok se takat akin kikokojkej seki tachtekinij uan hasta kimiktijtoyajya (Lucas 10:29-37). Se takat akin kualtakat moketsak uan kipaleuij maski okseko kayot katka.
Nejin takat amo sayoj kipajtij uan kipaleuij ika tomin, ta no kiyolchikauak.
¿Toni techmachtia tein Jesús kitetapouij? Jesús tamachtij ke moneki tikinpaleuiskej oksekin ika nochi tein tiueliskej (Proverbios 14:31). Biblia kijtoua ke Dios amo uejkaua kitamis tatasojtilis uan tajyouilis. Sayoj ke, ¿kemanian uan keniuj kichiuas? Itech okse tamachtilis tikitaskej tatiochiualismej tein toTachijchiujkauj kineki xikonseli.
