Tlauel ipati tlen panok ipan nopa achtoui Pascua. Ipan nopa tlayoua kema faraón kiitak miktoya iachtouikone, kiiljuik Moisés: “Amantsi xikisakaj. Xiakaj inmojuantij ininuaya nochi nopa israelitajmej. Xikinkauakaj notlakauaj. Xiakaj xijueyichiuatij inmoTeko keja inkiijtojkej” (Éx 12:31). Ni tlamantli kinextik Jehová nochipa kinpaleuia itekipanojkauaj.

Kema timoiljuiaj tlen kinpanotok toTeotsij itekipanojkauaj ipan ni tonali, techpaleuia ma timotemachikaj Jehová nojua kinyakana uan kinmanauia. Ya nopa tlen moixtoma ipan museo tlen eltok ipan Warwick, nopa museo itoka “Se altepetl tlen kiueyichiua Jehová itoka”.

ACHTOUI XIKITA NOPA VIDEO KIPAXALOUAJ MUSEO TLEN WARWICK: “SE ALTEPETL TLEN KIUEYICHIUA JEHOVÁ ITOKA”, UAN TEIPA XIJNANKILI NI TLAJTLANILI:

• Ipan 1914, ¿tlake tlamantli kitekiuijkej Estudiantes de la Biblia pampa kinekiyayaj sekinok ma kimatikaj tlen melauak, uan kenijkatsa kinpaleuik?

• ¿Tlake tlaouijkayotl kiixnamijkej toikniuaj ipan 1916 uan ipan 1918, uan tlake tlamantli kinextik Jehová kinyakanayaya?

• ¿Kenijkatsa kinextijkej amo kitlauelkajkej toTeotsij maske kiixnamijkej miak tlaouijkayotl?

• ¿Tlake kikuamachilijkej ipan 1935, uan tlake kichijkej?

• Tlaj ya tiajki ipan museo tlen Warwick o ipan seyok kali Betel, ¿kenijkatsa mitspaleuik ximotemachi Jehová kinyakana uan kinmanauia itekipanojkauaj?