Tsûtsûsase 13 kurixa ta ge o i ge ti ǀgū ǀhōsagusis Jehovab ǀkha ta ūhâsa ge ǂkhabu tsoatsoa. Ti skol ǀhōsan ge kai ǃnōrasasiba ge ūhâ i. Tsî ta ge tita tsîna ǁnā ǃnōrasasiba gere ǂhâba. Kaise ta ge ti ma hân gere mâi ǂhanugu. Tsî Xristeǁîn di ǂhanugu xa ge ǃgombahe tsoatsoa. Tsî ta ge ge ǂâi Jehovaba ǃoabas kaise ǂgui xūna ǃkhōǂgā hâsa. Hoaǁae ta ge gere ǂgom Jehovab hâsa. Xawe ta ge ǁîb ǀgūse ge tsâ tama hâ i.

Amabes ǃnâ ta ge aoǁnâ ǀgū tama hâ i. Xawe ta ge ǀnî ǁaegu ǀguiga gere aoǁnâ. Aoǁnâ sîsenne ǃoa ta ge ī tama hâ io. O ta ge ge ǂhomisa tama hâ i. Tsî ta ge khoen ǀkha ǃhoas di ǃgomsib tsîna gere hōǃâ ǁnās ǀkha. Tsî ta ge ǁnās ǀkha ǀgamǁî saris tamas ka io. Elobmîsa ta nî ǁkhāǁkhā khoe-e ge ūhâ tama hâ i. Aoǁnâ sîsen-e dīs x ata ge ge ǁkhoa-obahe. Tsî ǁnās ge ge ǃaroma i ta aoǁnâ sîsen-i xa tā ǃgâibahe. Aitsâma ta ge nēti gere dîsen. ‘Mati i khoe-e mā wekheb hoaba aoǁnâ. Tsî mā ǁkhâb hoaba ra aoǁnâ?’

Tita ge 17 kurixa o, ta ge ǃnōrasasiba gere ǂhâba. ǁNā-amaga ta ge ti ǁgarusa ū tsî omsa  xu doeǂoa tsî Australiaba ǃoa ge ī. Ti ǁgûra ge kaise ge tsûtsûhe tita ge omsa xu a īo. ǂÂiǂhansen ra ge gere xawe ra ge ge ǂâi hâ i. Tita Jehovaba nî ǃoaba ǀkharasa.

Australiab ǃnâ ta ge kaise ǀorose Jehovaba gere ǃoaba. ǀHaode ta ge ge ǂoaǃnâ tsoatsoa. Tita ge ǀhōsana ǀhaohâb ǃnâ ge kuru hîna ge ǂkhî ina ǀhaode ǃoa īsa. Xawe nau tsēs ai ā tsî ǃui ǁaeb ai ǁgai xūna sī gere dīna. Kō oa ta ra o, o ta ge ra mû ǀgui ǂaisa ta ge amab ǃnâ ūhâ i. Tsî nausa ǃhūbaib ǃnâ ūhâ isa. Xawe ta ge amab tamas ka io ǃhūbaib ǃnâs tsîna ge hâ ǂgao tama hâ i.

ǀGam kurikha ǃkharu tsî ta ge ǀgui ǃgâsas ǀkha ge ǀhao. Hîna ge ti ûib xa ǀūǃgâses ra ǃhoa hîna ǂâi kaite sa. Tita ge koro ǃgâsadi hîna ǃgamme tama di oms ai gere hâ. Tsîse ge ǃnarimâra mûǂam-aob tsî ǁîb di kaikhoes Tamara ti ǀon hâ hâra ge ǁkhau. Ī ra sīse oms ǃnâ wekheba hâ hā. ǁÎs di aob ge ǀhaohâb xūn ǀkha ǀkhabe io. Os ge Tamarasa ǁaeba ǁamaǂui tsî sīse ǀkha gere aî. Tsî ǃgâi ǁaeba ge ūhâ i. Kaise ta ge ǁnā i xa ge ǃgâibahe i. ǁÎs ge kaise ge ǃgamǃgamsenxa i tsî supuses tsîna ge ǃhoa ūhe ǁkhā i. Hōǃgâ ta ge ge ǁnātikōse gagasise ǀgaisa khoe-i tsîn ǁkhoaxa ǁaeba a ūhâ ǁkhāsa.

Tamaras ge kaise ge ǁkhoaǂgao i. ǁÎs amaba ūba hâ ǀnammi tsî aoǁnâ sîsen-e ūba hâb. Tsîna ta ge amabes ǃnâ ge mû ǁkhā i. ǁÎs ge kaise gere ǂkhî ǁkhās a i hoa-e Jehovaba māsa. Xawe ta ge tita ge ǂkhî tama hâ i. Tita ge hoaraga-e Jehovaba mā tama hâ i amaga. ǁÎs omkhâi ra ǂūb tsî ǃgâiǂgaosib ge ti ûiba kaise ge tsâǀkha. ǁÎs di ǃgâi aiǁgaus ge kaise ǂhâǂhâsa amabab xa hâ xoasa ge ǂâi kaite. Jehovab ge ‘ǃgâiaǂgaob tsî dâxase ra ǁnaese’ da ǁîba nî ǃoabasa ra ǂhâba.—Psa. 100:2.

Tamaras ūhâ ǂkhîb tsîna ta ge tita tsîna gere ǂhâba. Xawe ǁnā ǂkhîba hōs ǃaroma ta ge kai ǀkharaǀkharana nî dīs ge ge i. ǃHaese ta ge ǁnā ǀkharaǀkharana ge dī tama hâ i. Xawe ta ge ǂkhari ǀkharaǀkharan ǀkha ge tsoatsoa.  Aoǁnâ sîsenni ǃaroma ta ge ge aiǂhomisen tsoatsoa. Tsî ta ge huiǃnâra aimâba-aose gere ǃoaba ǁaeba xu ǁaeb ǀkha. Nēs ge ge huite îta ǀorose ǂâiǂhansen. Tsî ǁkhoaǂgaoses tsîna tsâ. Elobmîsa ta aoǁnâ sîsen-i ǃnâ ra sîsenū amaga ta ge ama ǂkhîba ra hōǃâ. Kō ta ge sī ao ta ge mâ ǁkhâb hoaba huiǃnâra aimâba-aose gere sîsen.

Tita ge mâ ǀhōsa i hîna ge amab ǃnâ ǃgâise gere dīn ǀgūse ge hâ tsoatsoa. Tsî ǁnās ǀkha Jehovaba ǃoabas ǃnâ ǃgâina gere hōna. ǁÎn di ǃgâi aiǁgaus ge ge huite î ta ǂhâǂhâsa xūn xa ǂâi tsoatsoa. ǁNās ge tsēs hoasa Elobmîsa khomaisa ǃkhōǂgā hâ. Tsî ta ge aoǁnâ sîsen-e ǃgâiaǂgaob ǀkha gere dī. Tsî ta ge ǁnāpaxu ǁnaetisa aimâba-aose ge sîsen tsoatsoa. ǂGuro ǃnāsa ti ûi kurigu ǃnâ ta ge ǂkhîse ge tsâ tsoatsoa. Tsî ǁnās ǀkha oms ai ta hâ khami ǀhaohâb ǃnâ gere tsâ.

Kuriba ǃkharu tsî ta ge Alex di ǀon hâ ǃgâsab ǀkha ge ǀhao. Hîna ge khoexaǃnâ tsî Jehovaba kaise ǀnam iba. Tsî ǁnās ǀkhas tsîna aoǁnâ sîsen-e ǀnam iba. ǁÎb ge ǀhaohâb hui-aob ase gere ǃoaba tsî ǃnani kurina aimâba-aose ge sîsen hâ i. Alexi tsîn ge ǁaeroba Malawib ǃnâ gere ǃoaba. Aoǁnâ-aon ge ǁnāpa ǂhâsa i amaga. ǁÎb ge ǁnāpas tsîna sîsaben ǀkha ǀguiba gere sîsen. Tsî ǃgâi aiǁgausa ǁîn xa ge mâibahe. Tsîn ge ge ǂkhâǃnâbi îb aiǃgû Jehovab di gaosiba ǂgurose ǁîb ûib ǃnâ mâisa.

Alexi tsî tita tsîn ge 2003 ge ǃgamme. Tsîm ge ǁnāpaxu ǀoasase ǀguiba Jehovaba ra ǃoaba. Sîm ge kaise ǂgui xūna ge ǁkhāǁkhāsen. Tsî Jehovab ge ǃkharagagu ǀgaugu ǃnâ ǀkhae mî hâ.

Sîm ge 2009ǁî kurib ǃnâ ge ǁgauhe îm Timor-Lestes ǃnâ sîsabese si sîsen. ǂKhari ǃāros Indonesiab ǀkharib ǃnâ ǁgoes tawa. Kaisem ge buru, ǃhuri tsî ǃao hâse ǁnā ǁaeb ai gere tsâ. Koro ǁkhân kaoǃgâm ge danaǃās Dili di ǀon hâs tawa ge sī.

 Nēsîm ge ūhâ i ûiǀgaub ge ge ǀkhara i, ǂguros xa. Tsîm ge ǀasa xūna nî ǁkhāǁhāsens ge aiǁgause. Gowab, ǂûn tsî ûiǀgaub tsîna. Aoǁnâ sîsen-i ǃnâm ge kaise ǀgâsa khoen ǀkha gere ǀgao. Hîna ge ǀoro xūna ūhâ în. Aiǁgause skol-e ge ūhâ tama hâ in. Tsî ǀnîn hîna ge kaise gere ǁkhâiǀā-en tsîna. Torob xa ǃaromahe hâse sorosi tsûgu tsî ǂgao tsûgu. Tsîna ūhâ khoen ǀkham ge gere ǀhao. *

Aoǁnâ sîsen-i ge kaise ge ǁoaxa-i. Aiǁgause ta ge ǀgui ǃnās ai 13 kurixa ǀgôaros ǀkha ge ǀhao. Maria * di ǀon hâs ǀkha. ǁÎs di mas ge kurirona ǃkharu tsî ge ǁō. Tsîs ge dadasaba ge mû tama hâ i. ǂGui ǀgôan ī khamis ge. Marias tsîna ge ǀū i tae-es ǁîs ûib ǀkha ra dī ǂgaosa. ǂÂihō ta ge ra matis gere āsa ǁîs tsâsigas gere ǁguiǃāba te o. Xawe ta ge amabes ǃnâ ǁîs tae-e ra mîsa ge ǁnâuǃā tama hâ i. ǁÎn di gowaba ta ge noxoba ǃāsase ǃhoa tama hâ i amaga. Xawe ta ge Jehovaba ǃoa ǀgore tsî ge ǂgan îb huite. Î ta ǁnā ǀgôarosa ǂkhâǃnâ. Tsî ta ge ǁnāpaxu omkhâi ra xoade ǁîsa ge khomaiba tsoatsoa. Kurirona ǃkharu tsî ta ge ge mû matib ge amaba. Marias di ǂub, tanisen ǀgaub tsî hoaraga ûib ǁîs diba a tsâǀkha ǀgauba. ǁÎs ge ge ǁāǁnâ kaisen tsîs ge nēsisa Elobmîsa nau khoena ra ǁkhāǁkhā. Nētsēs ge Mariasa kaise kai gagasi omarisa ūhâ. Tsîs ge ǀnam-e hâse ra tsâsen.

Jehovab ge Timor-Lestes ǃnâ ra dīhe sîsen-e ra ǀkhae. ǁAupexan ge ǂguina ge ǁāǁnâhe ǃkharugo disi kurin ǃnâ. ǀNîn ge aimâba-ao, ǀhaohâb hui-ao tsî ǀhaohâb ǃûi-aogu ase ra ǃoaba. Tsî ǀnîn ge RTO di tawa ra hui. În gagasi ǂûna ǃkharaga gowagu ǃnâ dī. Nēs ge tita kaise gere ǂkhî kai. Matin ge ǀhaohâb tawa gere ǁnaesa, ǀnomman gere ǀgaus. Tsî matin ta gagasise kai ǀgaus tsîna.

Sîm di ûiǀgaub Timor-Lestes ǃnâs ge kaise ge ǀkhara i. Australiab di ûiǀgaub xa. Xawe ta ge ge mûǁoa i ǃgâi ûiǀgauba. ǀNî ǁaegam ge ǂkhari audos ǃnâ ǂgui ǃgâsan ǀkha gere ǂoa. Hîna ge ǂgui xūna ūhâ îna. Aiǁgause, ǂnāsa ǁaun, tsî groenten tsîna ge ūhâ in a. ǀNî tsēdem ge ǀgamsa sores ǃnâ ǂkhari omdi hîna ǂnāsa floorga ūhâ di ǃnâ. ǂNû tsî khoena Elobmîs xa gere ǁkhāǁkhā. Hâ ge ī ǃgomsib xa ǂâi tama i. Tsî ta ge ǃgâib ǀgauba gere mû.

Kō oa ta ga ra o, o ta ge ti ǁgûra kaise ra gangan. Nē ra ge ǁkhāǁkhāte Jehovab di ǀgaugu xa. Tsî ra gere ǂkhâǃnâte ǃkhais ǃaroma. Tsî ti ǃgom kurin ǁaegu ais tsîna. ǂKhoamîdi 22:6 ge kaise ge huite. Ti ǁgûra ge kaise a ǂkhî ǁîra mûsa tita tsî Alex hâm Jehovab xa ra sîsenūhe sa. Sîm ge ǃnârimara sîsen-e 2016ǁî kuriba xu Australiab tsî New Zealandi ǃnâ ra dī.

ǂGomǁoa ta ge a ǃkharuge kurina ta ge aoǁnâ sîsen-e ǀnam tama hâ isa. Xawe ta nēsisa aoǁnâ sîsen-e a ǀnam. Nēsi ta ge ra mû tae-i ǀgui-i ga ûib ǃnâ io. Ama ǂkhîb ge sats ga ǂan o, sats ra Jehovaba. ǂGao hoab ǀkha ǃoabasa. ǃKharuge 18 kurin ge kaise tita ge ǃgâiba i. Tita tsî Alex hâm ge Jehovaba ǂkhîsase gere ǃoaba. Nēsi ta ge ra ǁnâuǃā Psalmdi xoa-aob Davib ge xoa amaba Jehovab xa. ǁÎb ge nēti ra mî: “Hoan sa ai ǂgomaiǂnûi hâna; ǀamosib kōsen ge nîra dâ, Tsîn ge sa ǃnâ ǃgâiaǂgaob xa nîra urikhâi sa ǀonsa ǀnam hâna.”—Psa. 5:11.