PART 3
Bʼiki Kuchi a Kuxtal ich Kichʼpan Kuuchil?
Jehovah u tzʼaj yaabʼ a bʼaʼal a kiʼ tiʼi aj Adʼan etel ix Eva. Genesis 1:28
Jehovah u yaax bʼetaj ixchʼupu. U tzʼaj tiʼi a Adʼan tiʼi u yätan; u kʼabʼaʼ ix Eva. —Genesis 2:21, 22.
Jehovah u bʼetajooʼ etel tukul y bʼäkʼel leʼek a maʼloʼ; maʼ yan u kʼasil.
Kuuchil päkʼaal Edʼen kuchi u yaj Kichʼpan kuuchilooʼ. A kuuch abʼeʼe top kichʼpan etel nojaʼ y junjunpaay wich cheʼ y bʼaʼalcheʼ.
Jehovah walak u chiitikooʼ; u kaʼansajooʼ. Wa kaʼ u yubʼooʼ a Jehovah, bʼelooʼ u kaʼa ti kuxtal ti bʼebʼeel ich Kichʼpan Kuuchil tuwich yokʼolkabʼ.
Dʼios u yadʼa maʼ u jantabʼäl u wich junteek a cheʼ. Genesis 2:16, 17
Jehovah u yeʼa tiʼi aj Adʼan y ix Eva junteek a cheʼ ichil u kuuch a päkʼaal. U yadʼa tiʼijooʼ wa kaʼ a janteʼex u wich a cheʼ bʼeleʼex a kaʼa ti kimil.
Juntuul a ʼaanjel choʼ u kʼati maʼ u tzʼoksaj a Dʼioso. Satanas y Kisin a kʼakʼas ʼaanjel abʼeʼe.
Satanas maʼ u kʼati aj Adʼan y ix Eva kaʼ u tzʼoksooʼ a Jehovah. U usarta a kan kaʼ u yadʼä tiʼ ix Eva wa kaʼ u jante u wich a cheʼ maʼ bʼel u kaʼa tiʼ kimil, jabʼixak tun Dʼioso. U jajil, tus abʼeʼe.—Genesis 3:1-5.
You May Also Like
ESSENTIAL BIBLE TEACHINGS
K’u’ka’a u B’etaj a Yok’olkab’ a D’ioso?
A yok’olkab’ tud’aan etel kich’panil. Chen ki’ u nachil ti yan u men tutz’eel k’in, sutaan u men ti chen u p’is, y ki’ ti walak u suutuul u men. K’u’ka’a u tzaj u yool u b’ete’ a yok’olkab’?
