Информацийым ӱшанаш лийше источник гыч нал. Ойлыметым Библий дене пеҥгыдемде, йӧн уло гын, Библий гычак лудын пу. Шонымашым пеҥгыдемдаш манын, научный фактым, уверым, илыш гыч случайым але эше иктаж-мом каласынет гын, информаций чын але уке ончылгоч терген нал.

Ит шоякле. Библийысе почеламут-влакым умылтарымет годым контекстым, Библийын тӱҥ темыжым да «ӱшанле да ушан тарзын» публикацийже-влакым шотыш нал (Матф. 24:45). Информацийым вес источник гыч налат гын, поснак тидым эскере: авторын шонымашыже весемдыме лийшаш огыл.

Колыштшо-влак дене пырля шонкале. Библий гыч почеламутым лудмеке але вес источник гыч цитироватлымеке, колыштшо-влаклан иктешлымашым ышташ полшо. Тидлан тыматлын йодышым пу але келшен толшо примерым кучылт.