JABEM JOJʼJOAME. Jume jábem na jojʼjoame enchim anía báreka eyʼya. Bem téxwarimem yawʼwa estacionamiéntota bétana, pasíllompo na réxtiwapo, asiéntom wátem bechïbo nunüwapo éntok wate asúntopom.

JOJÖWAPO. Jiókote enchímew jiawámtem tüysi bítcha. Awe wate ke are asiéntom wátem bechïbo nüye chë junʼni enchim nawérim bechïbo ket wame autópo enchímak katékame éntok enchímak joákame o Bíbliata enchímak estudiáruame. Asiéntopo ka em yéxtenakepo kayte ama tösisíme.

BARÓPTIAWAME. Áman naykimtena sección principal platafórmapo púxbapo wame emo baroptia báreme bechïbo, ka täbuisi nokwapo. Jume emo baroptia báreme ketuni ke etʼtexwari baróptiawa bétana jikʼkajaka bem asiéntopom jönake sábalapo ketwéytana. Sïmetakam toállam wériunakem éntok sánkota tüysi bitʼtumta.

TÓMITA NÉNENKIWA. Yun jita jinʼnuwa türi asiéntom enchim jípuna bechïbo, jiáwita éntok vidéom éntok juebena wátem serviciom asambléata alʼleaka itom jikʼkaixna bechïbo éntok chë junʼni Jehovátaw rúpteka enchim donaciónim jume gástom béxtuana éntok sïme aniat juka obra mundialta. Alʼleaka enchim anʼna bechïbo sïme asambléapo cájam ama aika contribuciónim watʼtiawapo kalákosi bitʼtume. Sïme em ama watʼtiawi utʼtesi a baysawʼwe. Cuerpo Gobernante enchim baysawe yáwrata interésim enchim aniaka bechïbo.

JITA TÄRURI. Si jita tärurita tiäkateko, Departamento Jita Täruriwe a töixnake. Jita täruko, ámane siika em atʼtiakaw jaría bechïbo. Ket ili uʼusim tärurim téwko i departaméntow bitcha am töixnake. Jewi, i departamento ka uʼusim suaya bechïbo katʼte. Favórtem yawʼwa, enchim uʼusimem suaya éntok émomakem jiba am jípure.

WAME KÖKOREME ANIAME. Tüyse at suwa i departamento kia emergénciam bechïbo.

TÉKIL WAME AMA ANÍA BÁREME. Si empo tékil asambléapo ayúkame anía barëteko Departaméntow jabe jita Téxwame éntok Servicio Voluntáriowe biche weyʼye.

Excuela Evangelizadórim Yáwrata bechïbo. Néjumwame jume precursórim 23 wasúktiam 65 taxti wériame bem ministériom chë yünisi yä peame lomínkopo kúpteyo aman émow naw tóixnake wame ika excuélaw kap peame. Hora éntok jakun tüa a wénakëwi plataforma bétana anunciáruana.