Nʼio nkjín naxinandá kitjennijin kʼoa kjaʼaí kjaʼaí én nokjoaijin. Tonga jtín tiyuijin, nga̱ mangóson jme xi mangíntjenngijin. Je xi ngisa menajin kuinga chʼa̱sjengʼaijin je Jeobá, je Niná xi kitsjoaná Biblia kʼoa xi kisinda ngayeje xi tjín. Kʼoati nʼio tibʼenelaijin yaonajin nga timangíntjenngijin je choa̱le Jesucristo, kʼoa nʼio tsjoa manajin nga chjotale Cristo ʼminajin. Kʼoati kao kjoatsjoa nikʼayaijin nichxinnajin nga ʼmiyalaijin chjota jotso Biblia kao tʼatsʼe Chjotaxále Niná. Kʼoa kuinga testigole Jeobá ʼmisíninajin nga̱ kui nokjoanijin tʼatsʼe Niná Jeobá kao Chjotaxále.

Chótsenlai nga jngó jngó koya xi faʼaitʼa ibi. Tʼexkiai Biblia xi faʼaitʼa. Kataʼyasai xi tʼatsainjin kao jme xi makjainnajin.