Diditeka pa muaba wa bakuabu

TELEJA MU

Dîyi dia kulonda: “Nusanke ne badi basanka; nudile ne badi badila.”—Lomo 12:15.

Tshivua Yezu muenze

FILME: Yezu umvuila musumba wa bantu luse

1. Tangila FILME, anyi bala Mâko 6:30-34. Pashishe welangane meji a nkonko idi ilonda eyi:

Bua tshinyi Yezu ne bapostolo bende bavua bajinga ‘bua kuikala nkayabu’?
Ntshinyi tshivua tshisake Yezu bua kulongesha musumba wa bantu?

Dilongesha

2. Diditeka pa muaba wa bakuabu didi ditusaka bua kuditatshisha bua bantu pamutu pa kuditatshisha anu bua kubayisha.

Idikija Yezu

3. Teleja bimpe. Lekela muntu akuambile mudiye umvua. Kumukoshi ku dîyi anyi kumupangishi bua kukuleja mudiye umvua, malu adi mamutonde anyi adiye wamba bua kukupangisha to. Paudi uteya ntema bimpe, udi uleja muudi wangata bidiye wamba ne mushinga.

4. Ikala ne muntu udi musue kuteleja mu meji. Bilondeshile malu audi muyukile nende, diebeja ne:

‘Bua tshinyi mbimpe yeye kumvua bulelela?’
‘Mmunyi mudi kulonga kua Bible mua kulengeja nsombelu wende wa ku dituku ne ku dituku ne wa matuku atshilualua?’

5. Mulongesha malu adi mua kumuambuluisha. Muleja ne lukasa luonso mudi dilonga dia Bible mua kuandamuna nkonko yende ne kumupetesha diambuluisha didi dikengedibua.

TANGILA KABIDI

Lomo 10:13, 14; Filip. 2:3, 4; 1 Pet. 3:8.

NANGA BANTU UBAVUIJE BAYIDI