DILONGA DIA 11
Disanka
Lomo 12:11
TSHIA KUENZA: Akula ne muoyo mujima bua kukankamija bateleji ne kubasaka ku dienza bualu kampanda.
MUA KUTSHIENZA:
-
Biudi wamba bidianjile kulenga muoyo webe. Paudi ulongolola muyuki webe, ela meji bikole bua mushinga udi nawu biwamba. Manya malu awamba bimpe bua wakule ne muoyo mujima.
-
Ikala ne bateleji mu lungenyi. Ela meji bua muikala malu awabala anyi awalongesha mua kuambuluisha bantu bakuabu. Keba mishindu ya kuamba malu au bua kusaka bateleji bebe bua baanyishe bikole.
-
Enza muyuki webe ne musangelu. Akula ne muoyo mujima. Akula ne jeste muutu wakula pa tshibidilu bua kuleja muudi udiumvua; mpala webe aleje pende muudi udiumvua.