Mua kuyukila ne bantu

TELEJA MU

●○○ DIYISHA MUNTU MUSANGU WA KUMPALA

Lukonko: Bible utshidiku anu ne mushinga too ne lelu anyi?

Mvese: 2Tm 3:16

Musangu walonda: Mmukenji kayi udi mu Bible?

○●○ DIMUPINGANYINA

Lukonko: Mmukenji kayi udi mu Bible?

Mvese: Mat 6:10

Musangu walonda: Bukalenge bua Nzambi nebuenze tshinyi?

○○● DIMUPINGANYINA DIBIDI

Lukonko: Bukalenge bua Nzambi nebuenze tshinyi?

Mvese: Dan 2:44

Musangu walonda: Nebuenzele ba pa buloba tshinyi?

Kutuadijila mu ngondo eu, tshisangilu tshietu tshia munkatshi mua lumingu katshiakuikala kabidi ne bia kuamba bisatu bishilangane to. Kadi mu Mabeji a tshisangilu tshia Nsombelu ne mudimu wetu nemuikale tshitupa tshia ne: mua kuyukila ne bantu tshidi ne lukonko, mvese, ne lukonko lua musangu walonda bua kupinganyina muntu. Nebikale bela anu filme umue wa mua kuyukila ne bantu ku lumingu. Mumanyishi yonso neasungule mukanda udiye musue kulongesha nawu ku mikanda itutu tulongesha nayi bantu ne dîba dia kuwufila ni mu diyisha muntu musangu wa kumpala anyi mu dimupinganyina. Kabidi, mu mabeji a tshisangilu nemuikale ngenyi ya mishindu ibidi ya mua kutungunuka ne kuyukila ne bantu. Bualu ebu nebutuambuluishe bua kuimanyina pa tshipatshila tshietu tshia kulongesha ‘bantu bonso badi bakaje muoyo wabu bimpe bua kupeta muoyo wa tshiendelele.’—Bz 13:48.

Midimu ya balongi: Padibu kabayi baleje malu makuabu, balongi badi ne bua kulonda anu ngenyi ya mua kuyukila ne bantu idi mu mabeji a tshisangilu.

MABEJI A TSHISANGILU TSHIA NSOMBELU NE MUDIMU WETU