TSHIBUMBA TSHIA NSENTEDI No 1 2023 | Masama a mitu ne diambuluisha didi Bible ufila
Pa buloba bujima, masama a mitu adi akengesha bantu miliyo ne miliyo. Bana ne bakole ba miaba yonso badi balonge tulasa tua mishindu yonso, ba bisa bionso ne bitendelelu bionso badi batata ne masama aa. Masama a mitu ntshinyi? Mmunyi mudiwu akengesha bantu? Mu tshibejibeji etshi, badi bakulamu bua mushinga wa kudiondapisha bimpe ne mudi Bible mua kuleja badi batata ne masama aa tshia kuenzabu tshidi tshimpe.
Masama a mitu ndutatu ludi pa buloba bujima
Masama a mitu adi mua kukuata muntu yonso nansha yeye wa bukole kayi anyi wa muaba kayi. Mona mudi mibelu ya mu Bible mua kukuambuluisha bua masama ebe a mitu.
Nzambi udi ukutabalela
Bua tshinyi udi ne bua kuikala mutushibua ne: Yehowa Nzambi mmumanye muudi udiumvua ne wela meji kupita muntu kayi mukuabu yonso?
1 | Disambila: ‘Numupuile ntatu yenu yonso’
Udiku mua kusambila kulomba Nzambi bua bualu kayi bonso budi bukunyingalaja peshi bukusamisha mutu anyi? Mmunyi mudi disambila mua kuambuluisha badi bakenga ne tunyinganyinga?
2 | “Busambi bua mu Mifundu”
Mukenji wa mu Bible udi utupetesha ditekemena dilelela dia ne: mu katupa kîpi emu tunyinganyinga netujike.
3 | Mudi bilejilu bia mu Bible mua kukuambuluisha
Bilejilu bia mu Bible bia balume ne bakaji bavua badiumvua pabu anu bu tuetu bidi mua kutuambuluisha bua kubenga kutamba kudiumvua nkayetu patudi ne malu adi atubungamija.
4 | Bible udi ufila mibelu idi ikuatshisha
Mona mudi kuelengana meji a mvese ya mu Bible ne kudifundila bipatshila biudi mua kukumbaja mua kukuambuluisha bua kupita bimpe ne masama a mutu.
Mua kuambuluisha badi bakenga ne masama a mitu
Wewe welesha mulunda webe udi ne disama dia mutu diboko bidi mua kumuambuluisha bikole.
