Yezu kavua muelele bayidi bende mukenji wa kulela bana anyi kubenga kubalela to. Nansha bayidi bende pabu kabavua bawelele bantu to. Mu Bible kamuena mvese nansha umue udi upisha bena dibaka padibu benza mudimu ne mushindu kampanda bua kuanji kukanda lulelu to. Mu tshilumbu etshi, bena kristo badi balonda mêyi adi mu Lomo 14:12 a ne: “Yonso wa kutudi neabadile Nzambi malu ende nkayende.”

 Mulume ne mukaji badi ne budikadidi bua kusungula bikalabu basue kulela anyi kubenga kulela. Badi kabidi mua kujadika bungi bua bana badibu basue kulela ne tshikondo tshia kubalela. Bikala mulume ne mukaji basungule bua kunua amue manga bua mukaji kapetshi difu kadi kaayi mua kulua kushipa mukuji bu mukaji mua kuimita, abu bualu mbubatangile anu bobu nkayabu. Muntu nansha umue kena ne bua kubalumbuluisha to.​—Lomo 14:4, 10-13.