Nanga na Leza na Bukankamane
Dino dibuku dibwanya kukukwasha wikadile’ko na bukankamane ne lwitabijo.
Mukanda Utamba ku Kitango Kyendeji
Kitango Kyendeji kikulupile bya binebine amba dino dibuku disa kwimukwasha mwiule bukankamane bwa bana-balume ne bana-bakaji ba lwitabijo ba pa kala.
NTWELELO
Ukokeja Kwikala na Bukankamane!
Dino dibuku i dilupulwe mwanda wa kukukwasha wikale na bukankamane. Tala muswelo wākweshe Yehova bantu ba kubulwa kubwaninina bekale na bukankamane bobādi basakilwa ne muswelo wabwanya kukukwasha nobe.
KIPINDI 1
KIPINDI 1
Tamba mu Mafuku a Bakulutuba Kutūla ku Kitatyi kya Batyibi
Kino kipindi kīsambila pa bimfwa bya bantu bālombwele lwitabijo ne bukankamane bwa kutendelwa, kushilwila padi Enoke kutūla ku mafuku a mupolofeto Samwele.
Kipindi 1 Mulongo wa Bitatyi
Kalata kalombola kitatyi kyāikele’ko bantu ba mu Bible ne binkumenkume bya mvubu bya mu Bible.
1 ENOKE
Wādi Unanga na Leza
Enoke wādi unanga na Leza wa bine mu miswelo ibidi mikatampe. Le byābwanikile namani? Le i bika byabwanya kwitufundija mu mwanda utala bukankamane?
2 NOA
Wāponeje Ntanda
Le ano etu mafuku i meifwane namani na mafuku a Noa? Tala muswelo obwanya kwiula bukankamane bwa Noa mu bobe būmi.
4 ABALAHAMA
Muntu Mubajinji Kulwa Divita Ditabijibwe na Yehova
I bika byotwifunda ku mutyima wa Abalahama wa kusaka kunyongolola mwipwa wandi Lota? Le Yehova wālongele namani pa buno bukankamane ne lwitabijo byālombwele Abalahama?
5 ABALAHAMA
Wākōkele Leza Nansha Byobyādi Bikomo
Le tukeula namani bukankamane bwa Abalahama pa kukōkela Leza? Le ino nsekununi itufundija bika pa buswe budi na Yehova?
6 LEBEKA
Wāitabije na Bukankamane Kwenda ku Ntanda-Bene
Lebeka wādi mwana-mukaji utulumukwa mu bukankamane ne lwitabijo. Le i ñeni’ka yotuboila ku kimfwa kyandi?
7 YAKOBA
Wālombwele Bukankamane pa Kukinga Kisaka Kyandi
Le kimfwa kya Yakoba kibakukulupija namani amba madyese a Yehova i malēme otufwaninwe’nka ne kulwila?
8 YOSEFA
Wākomēne Ditompo
Tala kimfwa kya Yosefa mokikukwashisha ukomene matompo ne kūminina makambakano.
9 SHIPALA, PUA, AMALAMA, YOKEBEDI, NE MIDIAMU
“Pa lwitabijo Mosesa wāfilwe”
Babimbutuja, bambutwile ba Mosesa, ne kaka wandi bālombwele lwitabijo ne bukankamane bwa kutendelwa. I muswelo’ka otukalonga bwa abo?
10 MOSESA
Wākwete Butyibi Buyampe
I butyibi’ka bwākwete Mosesa ne mwanda waka? I ñeni’ka yowaboila kwadi?
11 MOSESA
“Katwele Kudi Felo”
Le myanda yēmwenine Mosesa itukulupija namani amba Yehova uketukwasha potwimona bu ketubwanyapo kwingila mwingilo kampanda waetupa?
12 KALEBU
Wālamete Nyeke Kudi Leza Wandi
Tala kimfwa kya Kalebu mokitukwashisha tukomene ditompo dya “kulonda kibumbo.”
13 YOSHUA
Wālondele Bulombodi Bumweka bu Bwampikwa Kufwaninwa
Le i bulombodi’ka bwa muswelo mukwabo bobāpele Yoshua kudi Yehova? I mu myanda’ka motubwanya kulonda kimfwa kya Yoshua?
14 LEHABA
Wātongele Yehova pa Kyaba kya Bantu ba Kwabo
I bika byotwifunda ku byobya byālongele Lehaba? I madyese’ka awāeselwe pa mwanda wa lwitabijo ne bukankamane bwandi?
15 NAOMI NE LUTA
Bēkwatakenye mu Makambakano
Le i mu miswelo’ka mwālombwele ba Naomi ne Luta bukankamane? I ñeni’ka yotuboila ku bimfwa byabo?
16 BALAKA NE DEBOLA
“Na Bubine Nsa Kwenda Nobe”
Balaka wāsakile’nka Debola ende nandi ku bulwi. Le kino kilombola’mba wādi na lwitabijo luzoze’ni lukomo?
17 YAILE
“Mweselwe Bininge mu Bana-Bakaji Bonso”
Kilongwa kya bukankamane kyālongele Yaile pa walwana umo wa Leza kikivulukwanga ne dyalelo. Mwanda waka pano po pene potusakilwa bukankamane na bwandi?
18 NGIDEONI
Mukankamane Kadi Mudyumuke
Le i mu ngikadilo’ka mwitulomba kwikala bakankamane kadi badyumuke?
19 YEFETA NE WANDI MWANA MWANA-MUKAJI
Bāfikidije Mpiko Mikomo
Le kimfwa kya Yefeta ne wandi mwana mwana-mukaji kibwanya kwitukwasha namani dyalelo?
20 SAMISHONI
Wākankamene Paādi Muzoze
Le i ñeni’ka yotubwanya kuboila ku byālongele Samishoni paāpwile kulonga kilubo?
21 SAMWELE
Mwana Mutyetye Wēsambile mu Dijina dya Yehova
Kitatyi kisakilwa bankasampe bukankamane pa kulwila boloke?
KIPINDI 2
KIPINDI 2
Tamba mu Mafuku a Balopwe Kutūla ku Kūbakululwa kwa Yelusalema
Kino kipindi kīsambila pa bimfwa bya bantu bādi na lwitabijo ne bukankamane, kushilwila pa Yonafane, mwanā Mulopwe Solo, kupwa ke Mulopwe Davida, ne kwifula na bantu ba Leza bātambile mu bumisungi mu Babiloni ne kujoka mwanda wa kūbakulula Yelusalema.
Kipindi 2 Mulongo wa Bitatyi
Tabulo ilombola kitatyi kyāikele’ko bantu ba mu Bible ne myanda ilombola binkumenkume bikatampe bya mu Bible bya tamba mu mafuku a balopwe kutūla ku kūbakululwa kwa Yelusalema.
22 YONAFANE
Byāmulombele Bukankamane pa Kwikala na Lulamato
Lulamato lwa Yonafane lwātūdilwe pa ditompo. Le wādi wa kulamata ani? Le i muswelo’ka otubwanya kumwiula?
23 DAVIDA
Wālwile na Kampangala
Davida wādi uyukene bu “muntu mukankamane, wa bulwi mukomokomo.” Le kimfwa kyandi kyākankamikile namani bantu bakwabo? Le kimfwa kyobe kya bukankamane kibwanya kwikala na lupusa’ka pa bantu bakwabo?
24 ABIKELE
Wāpwijije Mwanda Mukomo
Le bakaji ne balume babwanya kwifunda bika ku nsekununi ya Abikele?
25 DAVIDA
Wālombwele Bukankamane na Kulonda Mutyima Wandi wa Mundamunda Muyampe
Davida wāmwene mukenga wa kulubula kinongo. Le i bika byāmukankeje? Le i muswelo’ka otubwanya kumwiula?
26 NATANA
Wālemunwine Mulopwe
Le kimfwa kya Natana kitufundija bika pa mwa kukwashisha mulunda ulongele kilubo kikatampe?
27 MEFIBOSHETA
Kāikelepo na Bululu ku Mutyima
Le i ñeni’ka isenga yotubwanya kuboila kudi Mefibosheta?
28 ASA
Wāingidile Yehova “mu Būmi Bwandi Bonso”
Le i bika byotwifunda kudi uno mwana-mulume wādi na mutyima mubwane kudi Yehova?
30 MUKAJI WA KISHALA WA KU ZELEFATA
Wākulupile Mudi Yehova mu Kitatyi Kikomo Bininge
Le mānga yandi itukankamika namani tukulupile mudi Yehova?
31 NKASAMPE MWANA-MUKAJI MWINE ISALELA
Wēsambīle Padi Leza Wandi mu Ntanda-Bene
Kimfwa kya uno nkasampe mwana-mukaji kibwanya kukupa bukankamane bwa kusapula bukamoni, nansha ke kitatyi kyokwatwa moyo.
32 EDISHA
“A Yehova, Mupūtule’po Bidi Meso”
Le i mu ngikadilo’ka motukomejibwanga na “kumona” bamwikeulu na meso etu a lwitabijo?
33 YEHOYADA
Wākingile Mulopwe Wādi Utongelwe na Yehova
Le i kilongwa’ka kya bukankamane kyālongele Yehoyada? Le i mu miswelo’ka mobwanya kwiula bukankamane bwandi mu bobe būmi?
34 HEZEKIA
“Wadi Ulamete Bininge Kudi Yehova”
Hezekia wālombwele bukankamane bukatampe ne lwitabijo. Le i muswelo’ka otubwanya kumwiula dyalelo?
35 MANASE
Byāmulombele Bukankamane pa Kwisāsa
Mwanda waka tufwaninwe kwiula kimfwa kiyampe kya Manase?
36 YOSHIA
Wākweshe Bantu Bengidile Yehova na Kikōkeji
Nansha Yoshia byaāpityile mu makambakano pa bwanuke, wālombwele bukankamane bwa kutendelwa pa kukwatakanya butōtyi bwa bine. Le i muswelo’ka otubwanya kumwiula?
37 DANYELE
“Wāpelele Kwisubija”
Le i mu miswelo’ka mubwanya bankasampe kwiula bukankamane ne lulamato lwa Danyele? Le i muswelo’ka otubwanya batwe bonso kumwena mu kimfwa kyandi?
38 BAHEBELU BASATU
“Bātaleje Bulobo bwa Mudilo”
Bahebelu basatu bādi bakankamane enka ne mu kyaka kya lufu. Le kimfwa kyabo kitufundija bika pa bitala kwikala betyepeje, batalala ne ba lulamato?
39 ESETA
“Shi Kufwa Mfwe”
Eseta wādi na tunangu kadi wa kikōkeji. Wābwenye enka ne kunekenya wandi mulume mwine kādipo utōta Yehova. Le i ñeni’ka yotubwanya kuboila ku kimfwa kyandi?
40 NEHEMIA
Wāubakulwile Lubumbu
Le kimfwa kya Nehemia kitufundija bika pa bitala kwingidila Yehova na bukomo bwetu bonso? Le bakulumpe babwanya namani kwiula kimfwa kyandi?
KIPINDI 3
KIPINDI 3
Mafuku a Meshiasa ne Balondi Bandi
Kino kipindi kīsambila pa bantu ba lwitabijo ne bukankamane ba mu myaka katwa kabajinji, kubadila’mo ne Muyuda mujike witwa bu Madia ne kufula na mutumibwa Yoano.
Kipindi 3 Mulongo wa Bitatyi
Tabulo ilombola kitatyi kyāikele’ko bantu ba mu Bible besambīlwe’po mu Kipindi 3. Kadi ilombola binkumenkume bikatampe bimo bya tamba mu mafuku a Meshiasa kutūla ku mafuku a mfulo a mutumibwa Yoano.
41 ZEKADIA NE EDISABETA
“Boloke ku Meso a Leza”
Mwanda waka Yehova wāmwene ba Zekadia ne Edisabeta bu boloke? Le netu i muswelo’ka otubwanya kwikala boloke?
42 MADIA
Wāikele na Bukankamane bwa Kwitabija Kiselwa Kikomo
Madia wēkondele na kiselwa kya pa bula kadi kilēma. Le i kwepi kwaāsokwele bukankamane bwa kwikivuija?
43 YOSEFA
Wākwatakenye Kisaka Kyandi Biyampe
Le Yosefa i mushile batata bene Kidishitu kimfwa’ka kiyampe dyalelo?
44 YOANO MUBATYIJI
‘Kekudipo Mukatampe Nansha Umo wa Kumutabuka’
Yoano Mubatyiji wādi mwana-mulume mukankamane kadi kādipo na bintu bivule mu bwandi būmi. Tala ñeni yotubwanya kuboila ku kimfwa kyandi.
45 PETELO
“Ne Muntu wa Bubi”
Le i ñeni’ka yowaboila ku kimfwa kya Petelo mu mwanda utala kwendelela kwingidila Yehova nansha shi wikondanga na bukōkekōke?
46 MADIA MWINE MAKADALA
“Namone Mfumwetu!”
Madia wēpēne mu kukwasha Yesu ne balondi bandi. Le i muswelo’ka otubwanya kwikala bakankamane ne kwivwanina bakwetu lusa na mwālongele’byo Madia mwine Makadala?
47 MADIA, MWANABO NA LAZALASA
“Walonga Kyaadi Ukokeja Kulonga”
Yesu wātendele lwitabijo ne bukankamane bwa Madia, mwanabo na Lazalasa. Le i mu miswelo’ka mwaālombwele bukankamane? Le i muswelo’ka otubwanya kumwiula dyalelo?
48 SHITEVANI
“Muyulwe Lwitabijo ne Mushipiditu Ujila”
Sanedini yādi ya kubandaula mwanda wa Shitevani ne kuyuka shi bilomba kumwipaya nansha kuleka kumwipaya. Le wābingije namani nkulupilo yandi? Le kimfwa kyandi kibwanya kwitukankamika namani tushale nyeke ba kikōkeji?
49 PETELO
Wāikele Dibwe
Le kimfwa kya Petelo kitukwasha namani tukulupile mudi Yehova ne kuleka kwikala na moyo?
50 SOLO WA KU TASUSA
Wāshintyile bya Binebine
Le i bika byālengeje uno muntu wādi upangapanga bene Kidishitu bibibibi ashinte? Le i ñeni’ka yotuboila ku kimfwa kyandi?
51 BANABASA
“Mwana wa Busengi”
Banabasa wālombwele bukankamane pa kukakwasha Solo ne kwenda nandi kudi batumibwa. Le i muswelo’ka otubwanya kwiula bukankamane bwandi ne mutyima wandi wa kwitabija kwingidila bakwabo?
52 MAKO
“Aye Usa Kunkwasha mu Mingilo”
Nansha Mako byaātenwe na bikoleja byākambakenye kwendelela kwandi, wāendelele kwingidila Yehova ne kukwasha bene Kidishitu bakwabo. Le i ñeni’ka yotubwanya koboila kwadi?
53 POLO
“Pano Nemunena’mba Kankamanai”
Le i muswelo’ka wālombwele mutumibwa Polo bukankamane mu ngikadilo yādi imweka bu kekukidipo lukulupilo? Le bukankamane bwandi bwākankamikile namani bantu bakwabo?
54 MUTUMIBWA YOANO
Wādi Mukankamane mu Bitatyi Bikomo
Mutumibwa Yoano kākwetwepo moyo nansha kubulwa lukulupilo. Le i muswelo’ka otubwanya kwiula kimfwa kyandi ne kwendelela kunanga na Leza na bukankamane?
MVUYO
MVUYO
‘Twikalei na Bukankamane Bukatampe’
Mu Bible mudi bimfwa bivule bya bana-balume ne bana-bakaji, bankasampe ne batame bāingidile Yehova na bukankamane. Mānga yabo ibwanya kwitukwasha twingidile Yehova na bukankamane.
Yō, i kutupu kishima kikwatañene na kyokimba.
