Enda ku bidi'mo

Batumoni ba Yehova

Tonga Ludimi Kiluba

Bijila Bitala Myanda Mifyame ne Cookies

Bijila Bitala Myanda Mifyame ne Cookies

Bulongolodi bwa Batumoni ba Yehova bulēmekele byepelo ne myanda mifyame ya bantu bonso. Toneka pano pa kuyukila’ko bivule bitala pa Bijila bya bulongolodi bwa ntanda yonso bya mwa Kulamina Myanda Mifyame.

Bijila bya Mwa Kulamina Myanda Mifyame bilombola muswelo wingidijibwa myanda mifyame ya muntu ne muntu na bulongolodi bwa Batumoni ba Yehova. Kutentekela pa kino, kunshi’ku kudi misoñanya mipotoloke itūdilwe’ko ilondwanga na dino diteba.

Dino diteba i dya bene dya Watchtower Bible and Tract Society of New York, Inc. (“Watchtower”), i kingidilwa kya mu New York kyampikwa kwimanina pa busunga kine kikwatakanya mingilo ya Batumoni ba Yehova ne bufundiji bwa Bible. Ma serveurs amo atala dino diteba adi mu États-Unis.

Myanda ya Muntu

Myanda yobe yotūla pa dino diteba ingidijibwanga’nka pa mwanda wa kitungo kikutala kikulombolwa kitatyi kyowiitūla’po.

Ketupānangapo myanda yobe ku muntu mukwabo, poso’nka shi bibalombwe kulonga nabya mwanda wa kuvuija bukwashi bolombele abe mwine, papo tukakuyukija’mo, nansha kadi shi tubamone amba bilomba’nka kusokola ino myanda mifyame mwanda wa kulonda bijila ne mbila pa kupwija myanda ilombelwe na ba lupusa nansha mwanda wa kusokola nansha kukalakanya bangivi, kukinga myanda, nansha kulongolola bintu. Kwingidija dino diteba kulombola’mba ubaitabija tusokole myanda yobe mifyame ku bakwabo enka pa buno bubinga kete. Myanda yobe yonso yotūla pano keikapotolojibwapo, kusungwa, nansha kwapwijibwa shi muswelo’ka, shi muswelo’ka.

Bengidi Bakwabo. Kyaba kimo pa dino diteba ukamona’po ne tushinda tukutwala ku diteba dya bengidi bakwabo botutongele mwanda wa kuvuija mingilo yetu mikwabo (kimfwa, kuyuja mafomu pa Entelenete). Shi ubamone mumwekelo wa diteba ubashinta pamo ne mushīko udi’po adelese ya kutunduluka nayo, nabya yuka’mba kodi pa diteba dya bengidi bakwabo. Potwingidija diteba dya bengidi bakwabo, tubandaulanga kyaba ne kyaba bijila byabo bya myanda mifyame ne bya mulamino wa myanda shi i bikwatañane na misoñanya ya bijila byetu. Shi udi na bipangujo pangala pa bijila bya bengidi bakwabo, tukulomba wende pa diteba dyabo.

Kukinga Myanda

Kukinga myanda ya muntu ne muntu i mwanda otutele’ko mutyima. Posambukila kukwabo, tukiñanga myanda yobe ne kwingidija tuyukeno tufyame, kimfwa ya kwingidija kikombola kya TLS (Transport Layer Security). Twingidijanga mpangiko ya olodinatele idi na bijika bitūlwe mu bipungwa bimweka na meso, bya elektronike, ne na kulonda manwa a bulami a mwa kukingila myanda mifyame yowitulembela.

Konte

Adelese yobe ya e-mail yolemba pa kupunga konte pa dino diteba ikengidijibwa pa kwisamba nobe pa bitala yobe konte. Kimfwa, shi ubailwa dijina dya konte nansha lufungulo lobe (mot de passe), kokimbe bakukwashe mwa kutwelela, musapu wa kukukwasha nao ukakutuminwa ku adelese yobe ya e-mail itwejibwe mu myanda ya mwingidi (Profil utilisateur).

Byabuntu

Shi ubaleta byabuntu pa Entelenete, tukimbanga dyobe dijina ne myanda mikwabo ikutala. Pa kwitabija byabuntu na kalata ka ku banki, twingidijanga mingilo ya pa Entelenete ya ntanda yonso ya kusambulula lupeto mikingwe senene ne ilonda bijila bya myanda mifyame. Ketulamangapo nansha kuyuka myanda idi pa kalata kobe ka ku banki, nimelo ya konte yobe, nansha myanda mikwabo yotumine ku mingilo’ya. Kingidilwa kitambula byabuntu kilamanga myanda ya lupeto lutūlwa mu bula bwa myaka, shi i mityetye, i dikumi. Mu ino myanda mudi, difuku dyatūdilwe kyabuntu, buvule, ne muswelo okyatūdilwe. Kino kiketukwasha tulonde misoñanya ya lubalo ne kulondolola ku kipangujo kyo-kyonso kyobwanya kwitwipangula mu bula bwa kino kitatyi. Ketukakwitepo mwanda wa kukulomba ubweje’ko kyabuntu, mhm.

Myanda Mikwabo

Ubwanya kutuma myanda yobe (kimfwa dijina, adelese, ne nimelo ya telefone) ke pa mwandapo wa byabuntu nansha kufungula konte kete, ino i ne pa myanda mikwabo (kimfwa, kulomba kifundwa kya Bible kya ku bitupu). Tukimbanga myanda yobe, kwiilama, ne kwiingidija enka na kitungo kyowiitumīne kitatyi kyonso kyoikidi na mvubu.

Cookies ne Busendwe Budi na Buno

Tuselanga myanda imo kupityila ku bingidilwa bīselela’yo abyo bine poenda pa diteba dyetu. Tuselanga’yo kupityila ku “cookies,” “pixels espions,” ne busendwe budi na buno. Kishima “cookies” kingidijibwe mu bino bijila bya myanda mifyame kifunkila ne pa busendwe bukwabo bwiifwene nabo, mwikadile busendwe bwa “stockage local.”

Cookies. Monka mobikadile ne mu mateba mavule, poiya pa dino diteba kudi tumyanda tuvule twitwa bu “cookie” tubwanya kwitūla pa telefone yobe, tabulete, nansha pa dishike dikomo (disque dur) dya olodinatele yobe. Kudi mpangiko ya miswelo palapala ikwasha bintu palapala bingile ne kulumbulula mwendelo obe pa Entelenete. Twingidijanga cookies amba itusapwile shi kodi mutwele ne dikwabo pa diteba nansha kwituvuluja myanda yokenene powaingidije diteba. Kimfwa, ludimi lotongele lukalamibwa mu cookie amba utane’lo kala potwela monka pa diteba. Ketwingidijangapo cookies mwanda wa kwiitumbija, aa.

Ma cookies engidijibwe pa dino diteba abwanya kwabanibwa mu miswelo isatu:

  1. Ma Cookies a Mvubu Bininge​—Ano’a adi na kamweno mwanda wa kukukwasha wingidije bipindi bimo bya pa dino diteba, kimfwa kutwela nansha kutuma mafomu adi’po. Pampikwa ano ma cookies, kukapebwapo bukwashi bonso bokalomba, kimfwa bwa mwa kutumina byabuntu. Kadi ano ma cookies etupanga muswelo wa kuleta bukwashi bupotoloke bolomba kitatyi kyotunduluka pa diteba. Ano ma cookies keaselangapo myanda ikutala ibwanya kwingidijibwa mu busunga nansha mwanda wa kuyuka kowakatwelanga powadi pa Entelenete.

  2. Ma Cookies a Mingilo​—Ano’a ao akwashanga diteba divuluke byowatongele (kimfwa dijina dya kutwela nadyo, ludimi, ne ntanda yodi’mo) kadi alumbululanga bingidilwa mwa kupēlejeja mwendelo obe pa diteba.

  3. Ma Cookies a Bubandaudi​—Ao engidijibwanga pa kuyuka myanda itala muswelo wingidija muntu dino diteba, kimfwa buvule bwa misunsa yatwela’po nansha mwayene wa kitatyi kyapityija pa dino diteba. Ino myanda ingidijibwanga’tu mwanda wa kulumbulula mwingidilo wa dino diteba.

Ma cookies amo pa dino diteba i a batwe bene. Makwabo nao i a bakwabo. Twingidijanga’nka ma cookies etu, shi i a bakwabo poso’nka oa engila na Google reCAPTCHA. Google reCAPTCHA wingidijibwanga mwanda wa kutyiba bengidi ku maolodinatele kutyina kwakekala misapu mibi ya mu kitulumukila. Tukulomba utale bijila bya myanda mifyame bya Google pa https://www.google.com/intl/lu/policies/privacy/.

Pixels espions. Mapaje a pa diteba dyetu akokeja kwikala na mafishé matyematye etwa bu pixels espions etukwasha tulame lapolo ya mingilo, kimfwa kitatyi kyoenda pa paje kampanda. Ano ma pixels espions etukwasha tulonde muswelo wingidijibwa diteba ne kulumbulula mingilo yadyo.

Adelese ya IP. Adelese ya IP i kode iyukanya olodinatele yobe pa Entelenete. Twingidijanga adelese yobe ya IP ne myanda ya mutundulukilo obe pa diteba mwanda wa kubandaula mwingidijijo obe wa diteba, kusokola bikoleja byotana’po ne kukulumbulwila mwingidilo wadyo.

Butongi Bobe. Nsambukilo mivule ikupanga muswelo wa kubula ma cookies ne kutambula bidyumu kumeso kwa cookie kwitūla pa kingidilwa kyobe. Tukulomba ulonde bulombodi bwa nsambukilo yobe pa kuyuka mwa kwingidijija ma cookies. Inoko, yuka’mba shi kudipo na ma cookies kubwanyapo kumwena ne pa mfulo mu bingidilwa byonso bidi pa diteba dyetu.

Bilembwa ne JavaScript

Bilembwa bingidijibwanga mwanda wa kulumbulula mwingidilo wa diteba. Bikwashanga utambule bukidibukidi bulombodi bosaka. Ketwingidijangapo bino bilembwa mwanda wa kutūla mpangiko kampanda pa olodinatele yobe nansha kukusela myanda yobe pa kubulwa lupusa.

Bilomba muntu akije bino bilembwa ne JavaScript pa kusaka’mba bipindi bimobimo bya pa diteba bingile senene. Bantu bavule bakijanga nansha kubula kino kingidilwa mungya diteba dyobadi’po. Pa kuyuka mwa kwakijija bilembwa mungya diteba, tala bulombodi bwa mwa kusambulukila bwa kingidilwa kyobe.

Byodi’mo na Lupusa

Kwingidija dino diteba ne kutentula mabuku o-onso, mavideo, mawi makwatwe, byonso i bya ku bitupu. Kebikulombepo kufungula konte, kufuta, nansha kulonga kintu kyo-kyonso kilomba ulete myanda yobe pa kumwena mu dino diteba. Inoko, shi ubasake abe mwine kufungula konte, kulomba kifundwa kya Bible kya ku bitupu, nansha kulonga kintu kyo-kyonso kilomba ulete myanda yobe, nabya ubaitabija bino Bijila Bitala Myanda Mifyame ne bya Cookies; ubaitabija babīke myanda yobe mu ma serveurs adi mu États-Unis; ubaitabija myanda yobe iselwe, ingidijibwe, isambululwe, ne kubīkwa na Watchtower ne na malongolodi makwabo akwatakanya mwingilo wa Batumoni ba Yehova mu matanda palapala, mungya kulomba kobe. Kwingidijibwa kwa myanda yobe kukalonda mungya moingidijija diteba. Kimfwa, shi ukimba kutuma byabuntu ku kingidilwa kampanda kya mungya bijila kidi mu ntanda kabidye, papo dijina dyobe ne myanda ya mwa kwisambila nobe ikapānwa ku kingidilwa’kya kya mungya bijila monka molembēle pa kuleta byabuntu. Kimfwa kikwabo, shi ubalombe kifundwa kya Bible, papo dijina dyobe ne myanda ya mwa kwisambila nobe ikatumwa ku musambo wa Batumoni ba Yehova amba bavuije byowalomba’bya.

Shi kuletelepo myanda yobe ilombwa pa kumwena mu dino diteba, shi i pa kufungula konte, pa kutūla kyabuntu, nansha pa kulonga kintu kyo-kyonso, nabya ketukabwanyapo kukulongela byobya byowalomba.

Shi bibalombe kushinta Bijila byetu bya Myanda Mifyame ne bya ma Cookies, nankyo tukebitūla pa uno paje mwanda wa uyuke nyeke myanda mine yotusela ne muswelo otwiingidija.

Shi bijila bibasoñanya kukubweja’ko lupusa lukwabo mu myanda itala myanda yobe, papo lukakupebwa. Mu luno lupusa lwa ntentekelo mubadilwa, kutwela, kulemununa nansha kubula myanda yowetulombwele kupityila ku dino diteba. Shi bilongekanga mu yenu ntanda, nabya ubwanya kutana myanda ya mwa kwitulembela pano. Shi kipangujo kya myanda yobe i kitala byabuntu, tukulomba ulembele kingidilwa kitala byabuntu kyakulombwelwe powaletele kyabuntu, ke kingidilwa kyatelelwe kadi ne mu musapu wakutuminwe wa kutambulwa kwakyo.