ຂໍ້ມູນສຳລັບຜູ້ເຂົ້າຮ່ວມການປະຊຸມ
ພະແນກຕ້ອນຮັບ ພະແນກນີ້ໄດ້ຮັບມອບໝາຍໃຫ້ຊ່ວຍເຫຼືອທ່ານ. ຂໍໃຫ້ຮ່ວມມືຢ່າງເຕັມທີໂດຍເຮັດຕາມຄຳແນະນຳຂອງພວກເຂົາເລື່ອງການຈອດລົດ ການຊີ້ບອກທາງ ການຈອງບ່ອນນັ່ງ ແລະເລື່ອງອື່ນໆ.
ການຮັບບັບເຕມາ ຕາມປົກກະຕິແລ້ວບ່ອນນັ່ງທີ່ຢູ່ທາງໜ້າເວທີຖືກຈັດໄວ້ສຳລັບຜູ້ທີ່ຕ້ອງການຮັບບັບເຕມາ ຖ້າມີການຈັດບ່ອນອື່ນໄວ້ກໍຈະແຈ້ງໃຫ້ຮູ້. ກ່ອນຄຳບັນລະຍາຍເລື່ອງການຮັບບັບເຕມາຈະເລີ່ມຕົ້ນໃນພາກເຊົ້າຂອງວັນເສົາ ຜູ້ທີ່ຕ້ອງການຮັບບັບເຕມາຄວນນັ່ງໃນບ່ອນທີ່ຈັດໄວ້ໃຫ້. ແຕ່ລະຄົນຄວນເອົາຜ້າເຊັດໂຕແລະເຄື່ອງນຸ່ງທີ່ສຸພາບມາພ້ອມ.
ການບໍລິຈາກມີຄ່າໃຊ້ຈ່າຍຫຼາຍໃນການຈັດກຽມຕ່າງໆ ເພື່ອໃຫ້ມີບ່ອນນັ່ງພຽງພໍ ພ້ອມທັງມີລະບົບສຽງແລະເຄື່ອງວິດີໂອ ແລະການບໍລິການອື່ນໆ ເຊິ່ງເຮັດໃຫ້ການເຂົ້າຮ່ວມການປະຊຸມພາກເປັນເລື່ອງໜ້າຍິນດີແລະຊ່ວຍພວກເຮົາໃຫ້ໃກ້ຊິດພະເຢໂຫວາຫຼາຍຂຶ້ນ. ເງິນທີ່ທ່ານບໍລິຈາກດ້ວຍຄວາມສະໝັກໃຈມີສ່ວນຊ່ວຍຄ່າໃຊ້ຈ່າຍເຫຼົ່ານີ້ ແລະຊ່ວຍສະໜັບສະໜູນວຽກປະກາດທົ່ວໂລກນຳອີກ. ເພື່ອຄວາມສະດວກຂອງທ່ານຈຶ່ງມີການຕັ້ງກ່ອງບໍລິຈາກຢູ່ຈຸດຕ່າງໆໃນຫ້ອງປະຊຸມ. ພວກເຮົາຂໍຂອບໃຈສຳລັບເງິນບໍລິຈາກຂອງທຸກຄົນ. ຄະນະກຳມະການປົກຄອງຂອບໃຈຫຼາຍທີ່ທ່ານສະໜັບສະໜູນຜົນປະໂຫຍດຂອງລາຊະອານາຈັກຢ່າງໃຈກວ້າງ.
ພະແນກປະຖົມພະຍາບານຂໍໃຫ້ຈື່ໄວ້ວ່າ ພະແນກນີ້ມີໄວ້ສຳລັບກໍລະນີສຸກເສີນເທົ່ານັ້ນ.
ພະແນກເກັບເຄື່ອງເຮ່ຍ ເຄື່ອງຂອງທຸກຢ່າງທີ່ທ່ານເກັບໄດ້ຄວນເອົາໄປໃຫ້ພະແນກນີ້. ຖ້າທ່ານເຮັດເຄື່ອງເສຍຂໍໃຫ້ໄປຖາມຢູ່ພະແນກນີ້ຄືກັນ. ເດັກນ້ອຍທີ່ຫຼົງຈາກພໍ່ແມ່ຄວນພາມາພະແນກນີ້ ແຕ່ບໍ່ຄວນຖືວ່າພະແນກນີ້ເປັນບ່ອນຮັບຝາກເດັກນ້ອຍ. ຂໍໃຫ້ເບິ່ງແຍງລູກຫຼານຂອງທ່ານແລະໃຫ້ພວກເຂົາຢູ່ກັບທ່ານສະເໝີ.
ບ່ອນນັ່ງ ກະລຸນາຄິດເຖິງຄົນອື່ນ. ຂໍໃຫ້ຈື່ໄວ້ວ່າທ່ານອາດຈອງບ່ອນນັ່ງໄດ້ສຳລັບຜູ້ທີ່ເດີນທາງມາໃນລົດຄັນດຽວກັບທ່ານ ຢູ່ເຮືອນຫຼັງດຽວກັບທ່ານ ຫຼືກຳລັງສຶກສາຄຳພີໄບເບິນກັບທ່ານເທົ່ານັ້ນ. ກະລຸນາຢ່າວາງເຄື່ອງຂອງໄວ້ເທິງຕັ່ງຂ້າງທ່ານ ການທີ່ທ່ານຮ່ວມມືໃນເລື່ອງນີ້ຈະເຮັດໃຫ້ຄົນອື່ນມີໂອກາດໄດ້ນັ່ງນຳ.
ພະແນກອາສາສະໝັກ ຖ້າທ່ານຢາກອາສາສະໝັກຊ່ວຍວຽກທີ່ກ່ຽວຂ້ອງກັບການປະຊຸມພາກນີ້ ຂໍໃຫ້ບອກພະແນກນີ້ແລະທາງພະແນກຈະແນະນຳວ່າທ່ານຄວນເຮັດຫຍັງ.
ການປະຊຸມພິເສດ
ໂຮງຮຽນຜູ້ປະກາດລາຊະອານາຈັກ ໄພໂອເນຍອາຍຸລະຫວ່າງ 23 ຫາ 65 ປີທີ່ສົນໃຈຈະເຮັດວຽກຮັບໃຊ້ຫຼາຍຂຶ້ນ ໄດ້ຮັບເຊີນໃຫ້ເຂົ້າຮ່ວມການປະຊຸມສຳລັບຜູ້ສະໝັກເຂົ້າໂຮງຮຽນຜູ້ປະກາດລາຊະອານາຈັກໃນຕອນບ່າຍວັນອາທິດ. ຈະມີຄຳປະກາດໃຫ້ຮູ້ລ່ວງໜ້າເລື່ອງເວລາແລະສະຖານທີ່ທີ່ແນ່ນອນຂອງການປະຊຸມນີ້.
ຈັດໂດຍຄະນະກຳມະການປົກຄອງຂອງພະຍານພະເຢໂຫວາ
