NDRŬ KÓ NÁ KPA Ndrŭ kó ná kpa le li ni tsotsokodha dho. Kirikiri anirrnga kpa dho ndirigoti anidyø kpa bbʉ ni dho ná chutso ddadha parking ma, tsudha dhi chu ma, vʉdha dhi chu ma, didha dhi nga ma, nja kʉ ná lo ma na djo.

BATISO Nzá lo thika si wøni wø ró, batiso si ba ná ndrŭ dho le si nga thɨ estrade njí ro kʉ ná ngana. Batiso si ba ná ndrŭ dho ri si ngani ndima di føga zanji dyi bbʉtso, nzá batiso dhi hotuba tso d’e ngani ro. Batiso si ba ná nja le ddiro dho ringani ndi si ndi ró dda ndi si njʉ na ná ru na ndirigoti ngbà thonga batiso dho ná ru na.

BBɄDHA Ndiro i asamble dá bblo d’e, ri koe mbø bí nja le thɨ ri le nji ná nga ma, le ba njonjo kʉ ná video ma, sonorizasio ma ndirigoti le njí bí kʉ ná nja njí ma na d’e. I Asamble rili ko kana nga é chøchø Yova na. Jidha na ni bbʉ ná bbʉdha ka ndi kó fø njí tsotso ndirigoti ngø djolu gble njini ná njí maddi. Rié ngbà ni jiri ni bbʉ bbʉdha ró, aliri i asamble dhi ngana kʉ ná sanduku na. Ni ka ni bbʉ nidhó bbʉdha kodhó site donate.jw.org chulu maddi, donate le ndi ná ngana. Krʉ ni ka ni bbʉ ná bbʉdha kʉ mana na bbo. Lo dho Chutso ddá ná Baraza adi mbai po bbo ni adi bbʉ Pidhinga dhi njí tsotsokodha dho hwè na ná bbʉdha dho.

SEKUR YA KWANZA Anonga nari kʉ, føri kʉ lelenga dho le ndrŭ tsotso kó ná nga.

VIVI NDIRIGOTI BA BANI NÁ RITSI Krʉ le ba Asamble dhi ngana ná ritsi riji le mba vivi ndirigoti ba bani ná ritsi dhi departema na. Njati nidhó ddikpa ritsi ro vi ró, ara ri ne fø departema na. Dhaa bbí ná nzø ma, vivi ná nzø ma na riji le mba fø departema na. Nja nzɨ che kʉ ná lo banga ró, anib’o nidhi nzø ronga bblo ndirigoti anidi kpa na ddikpa ngana.

DIDHA DHI NGA Kirikiri addinga nja ndrŭ djo. Anonga nari kʉ, ni ka ni li didha dhi nga ro nidhó familia nǎ ndrŭ dho, ddikpa mutukari nǎ ni si na ná ndrŭ dho inga Biblia nǎ longa ni adi ddí dho ná ndrŭ dho dhé. Nzɨ li ritsi nzá tso ni cho ná kiti djo.

VOLOTERE DHÓ NJÍ Njati ni ji ni njinjí i asamble nǎ ró, ad’rari volotere djo nganja ná departema nǎ kpa dho.

Yova dzá Dimu dhó Lo dho chutso ddá ná Baraza kpe ndi ro