Bwa baat bavul nkurus i cimanyin cya biin Krist boos. Mu kushilangan ni bileeleeb baat, Batemw ba Yehow i biin Krist bady kabay bakal mudimw ni nkurus mu kuhambidil kwaababw. Bwabiny kabiin balong naak?

Kabingil ka kuuhal kady neey: Bibl kiin uleeboh bend neey Yeez i mufwiil ha nkurus ki waakady mufwiil bituh ha mutond. Cikwaabw, Bibl udyudyumwiij biin krist bikasakan bwa ‘badimukil kuhambidil kwa kish,’ kulong nook kumvumvwiij kulek kukal mudimw ni nkurus mu kuhambidil.—1 Biin Korent 10:14; 1 Jah 5:21.

Bwa kumvwiij, Yeez uleebel neey: “Binwiikal bakatangan, naak baat boos biiyiiy kumanyik neey, aash nudy biiyij ba mim.” (Jah 13:34, 35) Nook Yeez wiibaleejel bwa kwiikal ni lukat lwa kwiitwaal bwa bakwaabw—nkurus eecy kish—kabiin bimanyin bya biiyij ba Krist ba biin-biin.