MŨRANGĨRI RIUMA RĨA WĨRUTI Februarĩ 2020
Ngathĩti ĩno ĩrĩ na icunjĩ cia wĩruti cia kuuma Ĩpuro 6–Mĩĩ 3, 2020.
Jehova Ithe Witũ, nĩ Atwendete Mũno
No tũkorũo na ma atĩ Ithe witũ wa igũrũ nĩ atwendete, nĩ atũrũmbũyagia, na ndarĩ hĩndĩ agaatũtiganĩria.
Nĩ Twendete Jehova Ithe Witũ Mũno
Ta wĩcirie maũndũ mamwe tũngĩka tuonanie atĩ nĩ twendete Jehova Ithe witũ ũtũrũmbũyagia.
Thingata Thayũ na Njĩra ya Gũtooria Ũiru
Rĩmwe na rĩmwe no twĩkore tũkĩigua ũiru. Ta wĩcirie ũrĩa tũngĩka nĩguo tũtoorie ũiru na tũthingate thayũ na andũ arĩa angĩ.
Rekaga Jehova Akũhoorerie
Hana, mũtũmwo Paulo, na Mũthamaki Daudi nĩ maahiũranagia na mĩtangĩko. Nĩ maũndũ marĩkũ tũngĩĩruta kuumana na ũrĩa Jehova oomĩrĩirie na akĩhooreria o ũmwe wao?
RŨGANO RWA ŨTŨŨRO
Kwĩruta Kuumana na Andũ Maarĩ Cionereria Njega nĩ Gwatũmire Ngĩe na Irathimo Nyingĩ
Léonce Crépeault agĩtaarĩria cionereria njega cia andũ ehokeku ciamũteithirie gũtooria guoya, na ikũmũteithia gũkenera irathimo nyingĩ mĩaka 58 ĩrĩa akoretwo ũtungata-inĩ wa mahinda mothe.
Hihi Ũrĩ Wamenya?
Indo cia tene iria ithikũrĩtio cionanagia Belishazaru aarĩ na itemi rĩrĩkũ Babuloni?
