“Wan ka Hima jong Me”—Ka Jingduwai kaba ju Duwai da ki Phew Lak Ngut ki Briew
Hato phi la ju duwai ba ka Hima jong U Blei kan wan? Naduh mynshuwa, ha kylleng ka pyrthei ki briew ki duwai, “Wan ka hima jong Me”. Balei ki ju duwai kumne? Namar u Jisu u la hikai ïa la ki synran ban duwai shaphang ka Hima U Blei.
Ha kaba nyngkong, ki synran jong u Jisu ki khlem sngewthuh lut ïa kaei kaba u ong shaphang ka Hima. Ki la kylli ïa u, ‘Ko Trai, hato ha kane ka por men pynïeng pat ïa ka hima ha ki Israel?’ Ki la sngew lyngngoh namarba u Jisu u khlem jubab ïa ka jingkylli jong ki. (Kam 1:6, 7) Te, hato kata ka mut ba ngim lah ban tip ba ka Hima U Blei ka dei kaei bad ba lano kan wan? Em, kam dei kumta!
Kane ka Kutphira kan ïarap ïa phi ban ïoh ïa ki jubab jong kine ki jingkylli:
Balei ngi donkam ïa ka Hima jong U Blei?
Mano ba dei u Syiem jong ka Hima U Blei?
Lano ka Hima U Blei kan synshar ïa ka pyrthei?
Ka Hima U Blei kan leh aïu?
Balei ngi dei ban kyrshan ïa ka Hima U Blei mynta?
Ka Hima U Blei ka dei kaei?
