Sima sta na un piskiza ki fazedu na mundu interu ka dura li, a un na kada kuatu algen ta xinti el sô.

•   “Sta izoladu di otus algen pode afeta kalker algen di kalker idadi i na kalker lugar.” — Chido Mpemba, un di kes prizidenti di Kumison sobri Ligason Sosial di Organizason Mundial di Saúdi.

 Diferenti di ki txeu algen ta pensa, solidon ka ta afeta sô algen ki dja sta di idadi ô kes ki sta izoladu, má jóvens, algen ku bon saúdi, kes ki ten vida dretu ô ki sta kazadu tanbê pode xinti solidon. Sta izoladu di otus algen i xinti bo sô pode pô-u ku prublémas gravi di korpu i di menti.

•   Un conselheiro nacional de saúde na Mérka, Vivek Murthy, fla: “Solidon é mutu más di ki sô xinti kasábi. . . Solidon ta omenta bu risku di móre, di mésmu manera ki el ta omenta di un algen ki ta fuma 15 sigaru tudu dia.”

 Nos Kriador ka krê pa nu fika izoladu di kunpanheru. Deus sénpri kreba pa algen ten bons amigu i pa es tra pruvetu di pasa ténpu djuntu.

•   Prinsípiu di Bíblia: ‘Deus fla: “É ka bon pa ómi kontinua el sô. N ta faze-l un ajudanti, pa konpleta-l.”’ — Génesis 2:18.

 Deus krê pa nu ser se amigu. Óras ki nu ta sforsa pa nu txiga pértu di el, el promete faze mésmu kuza i txiga pértu di nos. — Tiagu 4:8.

•   Prinsípiu di Bíblia: “Filís é kes ki sabe ma es meste di Deus, pamodi Reinu di séu é pa es.” — Mateus 5:3.

 Deus krê pa nu adora-l djuntu ku otus algen. Óras ki nu faze kel-li, nu ta xinti más filís.

•   Prinsípiu di Bíblia: “Nu pensa na kunpanheru pa nu motiva kunpanheru pa mostra amor i faze bons óbra, ka nu dexa di sta na runion,. . . má nu da kunpanheru koraji.” — Ebreus 10:24, 25.

 Pa sabe más sobri pamodi ki é inportanti nu luta kóntra solidon, odja artigu “Solidão num mundo interligado”.