Pamela splika: “Duránti nha tratamentu di kánser, N ta xintiba txeu medu. Má óras ki N ta fazeba orason pa Jeová Deus, N ta xintiba un kalma déntu mi i N ta konsigi aguentaba kel situason sen fika ku medu dimás. Inda N ta xinti txeu dór, má simé faze orason ta djuda-m lida ku nha situason di midjór manera. Óras ki pesoas ta pergunta-m modi ki N sta xinti, N ta fla: ‘N sta duenti, má N sta kontenti!’”

É klaru ki nu ka meste spéra ti ki un prubléma gravi kontise, pa nu kumesa faze orason. Nos tudu nu ta pasa pa prublémas, grandi i pikinoti, i txeu bês nu ta meste ajuda pa lida ku es. Orason ta pode djuda-nu?

Bíblia ta fla: ‘Lansa bu karga na Jeová, i el ta apoia-u. Nunka el ka ta dexa pa algen justu kai.’ (Salmo 55:22 ) Fórti palavras ki ta konsola-nu! Nton, modi ki orason pode djuda-u? Óras ki bu ta faze orason di manera ki Deus ta krê, el ta da-u kuzê ki bu meste pa bu konsigi lida ku bus prubléma. — Odja kuadru “ Bensons ki bu pode resebe óras ki bu ta faze orason”.