Bai pa asuntu

Kuzê ki ta faze un família filís?

Kuzê ki ta faze un família filís?

Bu ta atxa ma é. . .

  • amor?

  • dinheru?

  • otu kuza?

 KUZÊ KI BÍBLIA TA FLA

‘Filís é tudu ken ki obi Palavra di Deus i el faze sima Deus fla.’ — Lúkas 11:28, Bíblia Na Prugrésu Di Traduson Pa Lingua Kabuverdianu.

DI KI MANERA KEL-LI TA DJUDA-U?

Bu família pode ten. . .

amor di verdadi. — Efésios 5:28, 29.

ruspetu pa kunpanheru. — Efésios 5:33.

union. — Marcos 10:6-9.

 NU PODE KÚNFIA NA BÍBLIA?

Sin, pa dôs motivu:

  • Ken ki kria família é Deus. Bíblia ta fla ma Jeová Deus uni primeru ómi i primeru mudjer na kazamentu. (Génesis 2:18-24 ) Kel-li ta mostra ma é Jeová ki kria família. Pamodi ki nu meste sabe kel-li?

    Pensa: Si bu kume un kumida sábi i bu krê prende faze-l, ken ki bu ta pergunta? Klaru ki é ken ki faze-l.

    Nton, pa bu sabe modi ki família ta ser filís, bu ten ki buska ajuda di Deus ki kria família.

  • Deus ten tomadu kónta di bo. Na Bíblia, bu ta atxa kes midjór konsedju pa família, pamodi kes konsedju ta ben di Jeová ki ‘ten tomadu kónta’ di bo. (1 Pedro 5:6, 7 ) Jeová, di fundu di se korason, krê nos filisidadi. Tudu se konsedjus é bon pa nos. — Provérbios 3:5, 6; Isaías 48:17, 18.

 PENSA NA KEL PERGUNTA LI

Modi ki bu pode ser bon maridu, bon mudjer, bon pai ô mai?

Bíblia ta da respósta na EFÉSIOS 5:1, 2 i COLOSSENSES 3:18-21.