Ngewa syĩ Mbivilianĩ itonya kũũtethya:

• 2Mav 26:​3-5, 16-21—Mũsumbĩ Usia nĩwakwatiwe nĩ mĩtũlyo, na nũndũ wa ũu atũla Mĩao ya Ngai, na yĩla wakaniwʼe athata mũno na kĩu kyatuma Ngai amũkũna na mangũ

• Luk 18:​9-14—Yesũ nĩwatũmĩie ngelekanyʼo kwonanyʼa ũndũ Yeova wonaa mboya sya ala me mĩngʼathĩlĩĩlyo na ala me wĩnyivyo

 Ngewa syĩ Mbivilianĩ itonya kũũtethya:

• 2Mav 12:​5-7—Mũsumbĩ Leovoamu na anene me mbee ũsumbĩnĩ wa Yuta nĩmeenyivisye mbee wa Yeova na meelila na nũndũ wa ũu Yeova ndaamananga

• 2Mav 32:​24-26—Esekia, ũla waĩ mũsumbĩ mũseo, nĩwakwatiwe nĩ mĩngʼathĩlĩĩlyo ĩndĩ ĩtina wa kwĩnyivya Yeova nĩwamũekeie

Ngewa syĩ Mbivilianĩ itonya kũũtethya:

• Mwa 33:​3, 4—Esau nĩwamũthatĩie Yakovo mũno, ĩndĩ Yakovo nĩwoonanisye kana nĩweenyivĩtye yĩla wakomanie na mwana-a-inyia na matũngĩĩa mũuo

• Asi 8:​1-3—Mũsili Ngiteoni nĩweenyivisye na atavya aũme ma Evalaimu kana nĩmeanĩĩtye maũndũ maingĩ kwĩ we, na kĩu nĩkyatumie mausya na matũngĩĩa mũuo nake

Ngewa syĩ Mbivilianĩ itonya kũũtethya:

• Isa 53:7; Avi 2:​7, 8—O tondũ kwathanĩtwe, Yesũ nĩweenyivisye na eetĩkĩla kĩanda kĩla wanengiwe kũũ ĩũlũ wa nthĩ, o na eetĩkĩla kũvũthwʼa na akwʼa kĩkwʼũ kĩ woo mũno

• Luk 14:​7-11—Yesũ nĩwatũmĩie ngelekanyʼo ya ivĩla sya ndaĩa mbokanĩ kwonanyʼa ũndũ wĩnyivyo ne wa vata thayũnĩ witũ

• Yoa 13:​3-17—Yesũ nĩwatiĩe aatĩĩi make ngelekanyʼo nzeo ya wĩnyivyo yĩla wathambisye atũmwa make maaũ o na kau ũndũ ũsu woonekaa waĩle kwĩkwa nĩ mũndũ wa kĩlasi kya nthĩ mũno