AMKENI! Na. 2 2019 | Masomo Thanthatũ Syana Syaĩle Kwĩmanyĩsya
Masomo Thanthatũ Syana Syaĩle Kwĩmanyĩsya
We wĩenda kana kaku katw’ĩka mũndũ mũima keĩthĩwa kesĩkĩe ata?
Mũndũ wĩsiĩĩaa
Mũndũ wĩ wĩnyivyo
Mũndũ ũteyĩĩtũkaa
Mũndũ wa kwĩkwatw’a
Mũndũ wĩkaa motwi maseo
Mũndũ mũĩkĩĩku
Syana iitonya kwĩthĩwa na nguma isu itatetheew’e. No nginya ũimanyĩsye.
Ĩkaseti yĩĩ nĩyĩũneenea masomo thanthatũ ma vata waĩle kũmanyĩsya syana syaku na matonya kũitetheesya itanamba kũima.
Moseo Ala Maumanaa na Kwĩsiĩĩa
Nĩkĩ kwĩsiĩĩa nĩ kwa vata, na tũtonya kwĩka ata nĩ kana twĩsiĩĩae?
Ũndũ Ũtonya Kwĩthĩwa na Wĩnyivyo
Kũmanyĩsya syana syaku kwĩthĩwa na wĩnyivyo kũkaitetheeasya yu na ĩvindanĩ yũkĩte.
Ũndũ Waĩle Kwĩka Ndũkeyĩtũke
Syana ila imanyĩĩtw’e ũndũ syaĩle kwĩka nĩ kana iikeeyĩtũke nĩsyĩkaa nesa yĩla syakwatwa nĩ mathĩna.
Ũndũ Ũtonya Kwĩthĩwa wĩ wa Kwĩkwatw’a
Mũndũ emanyĩasya ũndũ ũtonya kwĩthĩwa e wa kwĩkwatw’a e na ũkũũ wĩana ata, nĩ e kana kanini-ĩ, kana e mũndũ mũima?
Vata wa Kũtongoew’a Nĩ Mũndũ Mũima
Syana nĩsyaĩlĩte kũtongoew’a kwa nzĩa ĩla yaĩlĩte, ĩndĩ itonya kũtongoew’a nũũ?
Vata wa Kwĩthĩwa na Mwĩkalĩle Ũla Waĩle
Kũmanyĩsya syana syaku mwĩkalĩle mũseo nĩkũinengae mũsingi mũlũmu kwondũ wa ĩvinda yĩla yũkĩte.
Ũtethyo Mwingangĩ Kwondũ wa Asyai
O namo asyai nĩmendaa ũtao mũseo nĩ kana mekale nesa thayũnĩ. Nĩ kana ũkwate ũvoo mwingangĩ, lika nthĩnĩ wa jw.org.