Content de lai

Tinang A Shim Lam Policy

AHKYAK AI: ANHTE A WEBSITE HPE AKYU JASHAWN AI HKU NNA RAI RAI, ANHTE A MATU PERSONAL DATA LANGAI NGAI TSUN DAN AI RAI RAI, DAI LAHKAWNG YAN HPE RAI RAI, NA A PERSONAL DATA POLICY, LADAT HTE YAW SHADA LAM NI A MATU SHIM LAM HTE YAWNG HPE LAWU HTA NA SHIM LAM POLICY NI, RIT KAWP TARA NI HTE MAREN AKYU JASHAWN NA AHKANG, JAW AI LAM HPE MYIT HKRUM AI LAM RE.

Tinang A Shim Lam Policy

  • Na A Shim Lam Hpe Hkungga Ai Lam

  • Data Makawp Maga Ai Wa A Lam

  • Data Shim Lam hte Makoi Magap Da Ra Ai Lam

  • Ma Kaji Ni

  • Lata Lang Na Kaga Website Ni (Third-Party Vendors)

  • Policy Galai Shai Ai Ni Hpe Shana Ai Lam

  • Active Scripting shing nrai JavaScript

Lawu Na Ni Hpe Mung Yu U

NA A SHIM LAM HPE HKUNGGA AI LAM

Na a shim lam hpe anhte hkungga ai hte makawp maga ya na. Nang kaw na lu ai, nang madun ai personal data yawng hte seng nna, ndai policy hpe anhte a website hta madun da na re. Website hpe shang yu ai shaloi, madung lam nkau mi hpe hkang zing makawp maga da na matu, gara hku lang ra na hpe tsun dan na matu, ahkyak ai hpe anhte chye na hkap la ga ai. Tinang hte seng ai lam ni hpe lata nna, anhte hpang de sa ya mai ai. Ndai policy hta lang da ai “personal data” ngu ai hta, na a amying, e-mail hkring dat, nga shara, phone nambat shing nrai nang hte seng nna lang mai ai, kaga lam shagu hpe tsun mayu ai re. Ndai website a shawa lang ai shara ni hta shang yu na matu, tinang hte seng ai lam yawng hpe tsun dan n ra ai. “Website” ngu ai hta, ndai website hte apps.jw.org, tv.jw.org, stream.jw.org, hte wol.jw.org ni zawn, anhte a ginrun website ni lawm ai.

DATA MAKAWP MAGA AI WA A LAM

Ndai website gaw, Watchtower Bible and Tract Society of New York, Inc. (“Sin Langchyi”) madu ai website rai nna, Yehowa Sakse ni a galaw ai lam ni, Chyum Laika hpaji jaw ai bungli ni hpe madi shadaw ya nga ai, amyat n tam ai corporation langai re. Anhte a website hta account hpaw ai, alu bang ai, Chyum Laika hkaja na matu hpyi shawn ai, personal data ni hpe jaw nna, galaw ra ai ni nga wa yang, ndai policy hpe myit hkrum ra ai. Mungdan shagu hta nga ai Yehowa Sakse Ni hpe madi shadaw ya nga ai, Sin Langchyi hte rau pawng galaw ai uhpung ni gaw, na a hpyi shawn ai lam hpe, matut galaw na matu American mungdan hta nga ai, server ni hta mahkawng ai, bungli ni galaw ai, galai shai ya ai, zing da ai lam ni hpe mung myit hkrum ra na re. Ndai nawku htung uhpung uhpawng gaw, ginjaw garan rung ni hku nna, mungkan ting hta bungli ni galaw nga ai. Buga nawku hpung ni, ginjaw garan rung ni, Yehowa Sakse Ni a dai zawn rau jawm galaw ai, uhpung uhpawng ni a data ni hpe makawp maga ai lam mung lawm ai.

Na a personal data hpe makawp maga ya ai wa gaw, website lang ai hta hkan nna galai shai ya mai ai. Ga shadawn, mungdan langai a uhpung hpang de, alu gumhpraw bang na rai yang, na a mying, matut mahkai mai na lam ni hpe, madun ya ra ai. Chyum Laika hkaja na matu hpyi shawn ai rai yang, Yehowa Sakse Ni a ginjaw garan rung hte nawku hpung hpang de, tinang a mying hte matut mahkai mai na lam ni hpe madun ya ra na re.

Nang nga ai mungdan hta, data makawp maga upadi nga yang, Data Makawp Maga Lam A Matut Mahkai Lam Ni laika man hta, matut mahkai mai ai lam ni hpe yu mai ai.

DATA SHIM LAM HTE MAKOI MAGAP DA RA AI LAM

Na a personal data shim lam hte makoi magap da ra ai lam hpe, anhte ni grai ahkyak shatai ga ai. Na a lam ni hpe nang hte n seng ai ni n yu na matu, shut ai hku n lang na matu, ahkang n lu ai sha n garam na matu, n jahten na matu, n dum shami n mat na matu, up-to-date data storage hte shim lam ladat hpaji ni hpe lang da ai. Personal data ni hpe lit hkam galaw ai ni, hpung masum ni (third parties) hta makoi magap da ra na lit nga ai. Na a personal data ni hpe mahkawng da ya ai a yaw shada lam a matu rai rai, tara upadi ni, rit kawp tara ni hku nna, ra rawng ai hku hkan nna zing da na re.

Personal data ni hpe ka bang ai shaloi, Transport Layer Security (TLS) zawn, encryption ladat ni hpe lang ai. Anhte hpang de ka ai kata lam, shim lam hte seng ai data ni hpe makawp maga na matu, matut mahkai arai ni, electronic hkrang, shim lam hte seng ai galaw ladat ni hte computer ladat de shang na ahkang hpe pat hkum da ai. Ahkang n lu ai sha n shang yu lu hkra, shim lam madang ni hpe aja awa makawp maga da ai.

MA KAJI NI

Anhte a website hpe shang yu ai lam hta, ma kaji ni rai yang kanu kawa ni lawm yang she, personal data ni hpe tang shawn mai na re. Kanu kawa shing nrai ma kaji hpe ndai website hta personal data ni tang shawn na ahkang jaw ai gaw, ma ni a website lang ai hte seng nna, ndai policy hpe myit hkrum ai lam re.

LATA LANG NA KAGA WEBSITE NI (THIRD-PARTY VENDORS)

Kalang lang, ndai website hta kaga website hte matut mahkai ya ai link ni lawm na re. Dai website gaw, anhte a malai bungli nkau mi (ga shadawn, online form ka bang ai) hpe galaw ya ai. Lata lang na kaga website hta du nga ai lam hpe, n bung ai hkrang hte browser kaw na, hkring dat shara galai shai mat ai hpe, yu nna chye lu ai. Kaga website ni hpe anhte lata ai shaloi, anhte a policy hte htap htuk na matu, shanhte a shim lam hte data makawp maga ai policy ni hpe jep ai. Kaga website a policy ni hte seng nna chye mayu yang, shanhte a website hta chyeju hte tam yu u.

POLICY GALAI SHAI AI NI HPE SHANA AI LAM

Ndai website hta ningnan galaw ai lam ni, lam ningnan ni, service ni hpe kaja ai hta grau kaja hkra, ayan garam lajang ya nga ai. Ndai zawn ayan galai shai ai lam ni hta n-ga, upadi hte ladat hpaji galai shai ai lam ni nga ai majaw, data galai shai ai lam ayan ngu na daram galai shai na re. Anhte a Policy galai shai ra wa ai shaloi, anhte mahkawng da ai lam ni, gara hku lang ai lam ni hpe ayan sadi hkrup lu hkra, ndai laika man hta madun ya na re.

ACTIVE SCRIPTING SHING NRAI JAVASCRIPT

Ndai website galaw ai lam ni grau kaja hkra, scripting hpe lang da ai. Scripting ladat hpaji hpe lang ai majaw, website lang ai ni hpang de shiga alawan lu sa ya ai. Website lang ai ni a computer hta software bang na matu rai rai, ahkang n lu ai sha, na a lam ni hpe mahkawng da na matu rai rai, scripting hpe tsep kawp n lang ai.

Browser hta nkau daw ni hpe grau kaja hkra galaw lu hkra, Scripting shing nrai JavaScript hpe lang nan lang ra ai. Laksan website ni a matu Browser law malawng hta, ndai hkrang hpe lang na, n lang na hpe lata mai ai. Lang na website a matu, JavaScript gara hku lang ai hpe chye lu hkra, Browser Help ngu ai shara hta yu u.