Shaning shagu, mungkan ting na Yehowa Sakse ni hte wan hku law ai manam ni gaw, Yesu htet da ai hte maren, Yesu A Si Ai Myit Dum Poi hpe lung ma ai. (Luka 22:19) Dai poi hpe lung ai shaloi, shinggyim masha ni a matu Yesu hpa majaw si hkam ra ai kun? Yesu si hkam ya ai majaw, ya mung, htawm hpang hta mung, anhte gara hku akyu lu na lam chye na wa ai.—Yawhan 3:16.

 Dai ning na Myit Dum Poi hpe lu lung ai raitim, n lu lung ai raitim, Yesu a si ai lam kaw na gara hku akyu lu mai ai kun? Galaw ra na ahkyak ai lam lahkawng hpe Yesu sharin ya ai.

1.  1. Karai Kasang hte Yesu a lam hkaja u. Yesu gaw shi a sumsing Kawa hpang de akyu hpyi ai shaloi ndai hku tsun ai: “Htani htana asak ngu ai chyawm gaw, langai sha rai nga ai hte teng man re ai nang Karai Kasang hpe mung, nang shangun dat ai wa Yesu Hkristu hpe mung, shanhte chye chyang lu ai hpe, ngu ai, rai nga ai.”—Yawhan 17:3.

2.  2. Chye wa ai hte maren galaw u. Anhte a prat hta shi sharin ya ai lam ni hpe hkan sa ra ai lam, Yesu ahkyak shatai tsun wa ai. Ga shadawn, mying gumhkawng ai shi a Bum Ntsa Na Mungga hta “[shi a] ga madat la nna hkan galaw ai” ni hpe shakawn nna hpungdim dat da ai. (Luka 6:46-48) Hpang kalang hta mung, “ndai lam ni hpe nanhte chye nna, dai hpe hkan shatup myit yang gaw, nanhte a lu myit dai” ngu tsun wa ai.—Yawhan 13:17.

 Nang mung Karai Kasang hte Yesu a lam hkaja mayu ai kun? Chye wa ai lam hpe gara hku tatut hkan sa ra na hpe chye mayu ai kun? Hpaji jaw ga nkau hpe tsun dan mayu ai.

 Manu jahpu n jaw ra ai Chyum Laika hkaja lamang a majaw, masha law law gaw Chyum Laika lam grau chye wa nna, Chyum Laika hta lawm ai ga ni hpe prat hta gara hku tatut hkan sa ra na lam chye na wa ma ai.

•   Ndai lamang a lam grau chye mayu yang, Marai Langai Ngai Hte Chyum Laika Rau Hkaja Lamang ngu ai page hpe hti yu u.

•   Yehowa Sakse ni hte Chyum Laika hkaja ai lamang, gara hku galaw ai hpe chye na matu, Chyum Laika Hkaja Na Matu Saw Shaga Ai video hpe yu u.

 Nawku Htingnu hta Yehowa Sakse ni bat mi hta lahkawng lang zuphpawng ma ai. Zuphpawng ni hta Chyum Laika lam, Chyum Laika sharin achyin lam ni hpe prat hta tatut hkan sa mai ai lam ni hpe bawngban ai.

 Zuphpawng ni hpe masha shagu mai lung ai. Yehowa Sakse n re ai ni mung mai lung ai. Buga ginra a masa hta hkan nna, masha nan sa lung mai ai zawn, video matut mahkai nna mung lung mai ai.

•   Zuphpawng ni a lam chye mayu yang, Nawku Htingnu Hta Hpa Ni Galaw A Ta? video hpe yu u.

•   Yehowa Sakse Ni A Hpung Zuphpawng Ni ngu ai page hta nang hte ni htum zuphpawng hpe tam mai ai.

 Ndai website kaw na sumhpa ni, video ni gaw nang hpe Yesu a sharin achyin lam ni, Yesu sak jaw ai lam a majaw lu wa ai akyu ni a lam grau chye na matu, karum ya lu ai.

 Ga shadawn, masha langai a si ai lam gaw, masha wan law law hpe gara hku nna akyu shabyin ai ngu ai hpe chye mayu yang, “Yesu Gara Hku Hkye La Ai Kun?” (Myen) hte “Yesu Hpa Majaw Yakhkak Jam Jau Hkrum Nna Asak Hpe Sak Jaw Wa Ai Kun?” (Myen) ngu ai sumhpa ni hpe hti u. Shing nrai, Yesu Hpa Majaw Si Hkam Ai Kun? video hpe yu u.